ອາດີດາດ
ແລະ ໄນກີເປັນຄູ່ແຂ່ງລາຍສຳຄັນໃນຕະຫຼາດເກີບ ແລະ ຊຸດກິລາຂອງປະເທດຈີນ ເຊິ່ງບໍ່ພຽງຕ້ອງແຂ່ງຂັນກັນເອງ
ແຕ່ຍັງມີຜູ້ຫຼິ້ນເຈົ້າຖິ່ນຢ່າງເຄື່ອງໝາຍການຄ້າຫຼີໜິງ ປັກຫຼັກລໍຖ້າຢູ່ແລ້ວ ຢ່າງໃດກໍ່ຕາມ
ໃນໄລຍະຂວບປີທີ່ຜ່ານມາ.
ຂະນະທີ່ຄູ່ແຂ່ງຢ່າງຫຼີໜິງ
ກຳລັງປະເຊີນກັບປັນຫາ ແລະ ໄນກີກໍ່ມີຍອດຂາຍຫຼຸດລົງ ອາດີດາດ ຜູ້ຜະລິດເກີບ ແລະ ຊຸດກິລາຈາກປະເທດເຢຍລະມັນ
ກັບສາມາດເພີ່ມຍອດຂາຍເພີ່ມຂຶ້ນຢ່າງໂດດເດັ່ນ. ຍອດຂາຍ ຕະຫຼອດທັງປີ 2012 ຂອງອາດີດາດໃນຕະຫຼາດຈີນເພີ່ມຂຶ້ນ
27% ຂະນະທີ່ຍອດຂາຍໄຕມາດສຸດທ້າຍຢູ່ທີ່ 12% ເຮັດໃຫ້ບໍລິສັດສາມາດຄວ້າສ່ວນແບ່ງໃນຕະຫຼາດຈີນເພີ່ມຂຶ້ນເປັນ
11.2% ຂອງມູນຄ່າຕະຫຼາດລວມ 1,48 ແສນລ້ານຍວນ (ຂໍ້ມູນຈາກບໍລິສັດວິໄຈຕະຫຼາດເອີໂລມໍນິເຕີ
ອິນເຕີເນຊັ່ນແນວ) ໄລ່ກວດໄນກີ ເຊິ່ງ ຄອງສ່ວນແບ່ງຕະຫຼາດ 12,1% ມາຕິດໆ. ລາຍງານລະບຸວ່າ ໄນກີນັ້ນຄອງຕະຫຼາດເກີບ ແລະ ເຄື່ອງກິລາໃນຈີນເປັນອັນດັບຕົ້ນໆມາຕະຫຼອດຫຼາຍປີ
ແຕ່ໄຕມາດສຸດທ້າຍຂອງປີທີ່ຜ່ານມາ ໄນກີມີຍອດ ຂາຍ ຫຼຸດລົງ 12% ໂຄສົກຂອງໄນກີປະຕິເສດທີ່ຈະໃຫ້ຄວາມເຫັນກ່ຽວກັບສາເຫດ
ພຽງແຕ່ລະບຸວ່າ ບໍລິສັດ ກຳລັງພະຍາຍາມແກ້ໄຂປັນຫາສະຕອກສິນຄ້າ ແລະ ມີແຜນຈະຂະຫຍາຍພື້ນທີ່ຂອງສາຂາທີ່ມີຢູ່
ໂດຍສິ່ງ ທີ່ຈະເນັ້ນໃຫ້ຄວາມສຳຄັນຄືການສ້າງແບນ ແລະ ເພີ່ມສິນຄ້າໃນລະດັບມາດຕະຖານສູງ(ພຣີນ້ຽມ)
ໃນສ່ວນຂອງອາດີດາດນັ້ນ
ກົນລະຍຸດຫຼັກທີ່ເຮັດໃຫ້ປະສົບຄວາມສຳເລັດດ້ານຍອດຂາຍໃນປີທີ່ຜ່ານມາຄື ການເພີ່ມໝວດສິ້ນຄ້ານອກເໜືອໄປຈາກເກີບ
ແລະ ຊຸດກິລາ ນອກຈາກນີ້ຍັງປັບກົນລະຍຸດ ຮ້ານຄ້າຍ່ອຍ ຂອງບໍລິສັດ ໂດຍໃຫ້ແຕ່ລະຮ້ານສາຂາເນັ້ນປະເທດກິລາແບບຈຳເພາະເຈາະຈົງສ້າງຄວາມໂດດເດັ່ນ
ເຈາະກິລ ສະເພາະກຸ່ມກັນໄປເລີຍເຊັ່ນ: ບາງຮ້ານອາດເນັ້ນກິລາບານບ້ວງ ຂະນະທີ່ບາງຮ້ານ ອາດເນັ້ນ ກິລາອື່ນ ຫຼື ເນັ້ນຊຸດສຳຮອງສຳລັບໄວ້ລຸ້ນເປັນຕົ້ນ.
ໂດລິນ
ເຄືອລີ ກຳມະການຜູ້ຈັດການຂອງອາດີດາດ ພະແນກດູແລຕະຫຼາດຈີນແຜ່ນດິນໃຫຍ່ ເປີຍເຜີຍວ່າ “ບໍລິສັດບໍ່ໄດ້ໃຊ້ສູດສຳເລັດຕາຍຕົວເໝືອນກັນໃນທຸກໆຮ້ານ,
ພາຍໃນໄລຍະ 2 ປີ ຂ້າງໜ້າ ອາດີດາດ ຈະເປີດຮ້ານສາຂາອາດີດາດຈຳເພາະເຈາະຈົງລັກສະນະນີ້ເພີ່ມຂຶ້ນຈາກປັດຈຸບັນທີ່ມີຢູ່
7 ພັນສາຂາ ທັງນີ້ ເພື່ອສາມາດນຳສະເໜີສິນຄ້າຕອບສະໜອງລູກຄ້າກຸ່ມຕ່າງໆ ຕັ້ງແຕ່ກຸ່ມຄົນທີ່ມັກຕາມກະແສ
ເຟຊັ້ນ ຫຼາຍກວ່າ ໄປຈົນເຖິງກຸ່ມທີ່ມັກໃນຊີວິດກາງແຈ້ງ; ລູກຄ້າຄົນໜຶ່ງເຊິ່ງຖືກໃຈກົນລະຍຸດຂອງອາດີດາດກ່າວວ່າ
ຜະລິດຕະພັນອາດີດາດສົດ,ເດັກກວ່າ, ສົດໃສກວ່າ ແລະ ເຂົ້າກັບແຟຊັ້ນຫຼາຍກວ່າ ເມື່ອທຽບກັບສິນຄ້າ
ຄູ່ແຂ່ງໃນຕະຫຼາດ ບໍ່ພຽງເທົ່ານັ້ນຈາກແນວໂນ້ມທີ່ການອອກກຳລັງກາຍຍັງບໍ່ແມ່ນ
ກິດຈະກຳ ຍອດນິຍົມ ນອກເວລາງານຂອງຜູ້ບໍລິໂພກຊາວຈີນ ບໍລິສັດຜູ້ຜະລິດເກີບ ແລະ ຊຸດກິລາຈຶ່ງຕ້ອງພະຍາຍາມສົ່ງເສີມ
ຍອດຂາຍຊະນິດຫຶດຂຶ້ນຄໍ ບໍລິສັດຫຼີໜິງ ເຊິ່ງເປັນເຄື່ອງໝາຍການຄ້າທ້ອງຖິ່ນກຳລັງປະສົບປັນຫາສິນຄ້າໃນສະຕອກເຊິ່ງສັ່ງໄວ້ຫຼາຍເກີນໄປໄລຍະທີ່ຈີນເປັນເຈົ້າພາບຈັດແຂ່ງຂັນໂອລິມປິກ
2008 ລະບາຍອອກບໍ່ທັນ ເຮັດໃຫ້ຕ້ອງນຳມາຫຼຸດລາຄາ ແລະ ເສຍພາບຫຼັກສິນຄ້າໄປ ພໍສົມ ຄວນ ສະຖານະການແບບນີ້
ເຮັດໃຫ້ອາດີດາດພະຍາຍາມແລ່ນໜີທາງຕັນດ້ວຍການນຳສະເໜີ ຜະລິດຕະ ພັນໃໝ່ ນອກກຸ່ມເກີບ ແລະ ຊຸດກິລາເຊັ່ນ:
ເສື້ອຜ້າແຟຊັ່ນຈຳລອງທີ່ວາງຈຳໜ່າຍໃນຈີນພາຍໃນຊື່ “ນິໂອ” (NEO) ເຈາະກຸ່ມໄວ້ລຸ້ນ ແລະ ຄົນໜຸ່ມສາວ
“ໃນປະເທດຈີນ
ຄົນສ່ວນໃຫຍ່ບໍ່ນິຍົມໃສ່ເສື້ອຜ້າທີ່ມີສື່ສຽງທາງການກິລາ ເພາະພວກເຂົາພຽງແຕ່ຫຼິ້ນກິລາ”
ເຈມລອຍ ນັກວິເຄາະອາວຸໂສ ບໍລິສັດໄຊນາມາເກັດ ລີເສີກ ກຼຸບ ເຊິ່ງເປັນບໍລິສັດທີ່ປຶກສາໃນນະຄອນຊຽງໄຮ
ກ່າວ ແລະ ວ່າ ການມຸ້ງໜ້າເຂົ້າສູ່ກຸ່ມສິນຄ້າເສື້ອຜ້າແຟຊັ່ນຂອງອາດີດາດຈຶ່ງເປັນການຕັດສິນໃຈທີ່ຖືກແລ້ວ
ແລະ ອາດີດາດເອງກໍ່ຍ້ອມຮັບວ່າ ເສື້ອຜ້າຈຳລອງແບນນິໂອ ເປັນສິນຄ້າໃໝ່ທີ່ເຕີບໂຕໄວ.
ປະເດັນຫຼັກໃນບົດ:
“ອາດີດາດບໍ່ໄດ້ໃຊ້ສູດສຳເລັດຕາຍຕົວເໝືອນກັນໃນທຸກໆຮ້ານ, ພາຍໃນໄລຍະ 2 ປີ ຂ້າງໜ້າ ບໍລິສັດຈະເປີດຮ້ານສາຂາອາດີດາດຈຳເພາະເຈາະຈົງລັກສະນະນີ້ເພີ່ມຂຶ້ນຈາກປັດຈຸບັນທີ່ມີຢູ່
7 ພັນສາຂາ”
ไม่มีความคิดเห็น:
แสดงความคิดเห็น