ທຳລາຍຂອບຄວາມ​ຄິດເກົ່າໆ

13-05-2013-B-2-management zone

Topic: ທຳລາຍຂອບຄວາມ​ຄິດເກົ່າໆ

ການທີ່ຈະປະສົບຜົນສຳເລັດໄດ້ນັ້ນຄຸນສົມບັດຂໍ້ທຳອິດກໍ່ແມ່ນ: ທ່ານຕ້ອງໂດດເດັ່ນກວ່າຄົນອື່ນໆ ທ່ານຈະຕ້ອງບໍ່ຖືກກືນໄປໃນກຸ່ມຄົນຈຳນວນຫຼວງຫຼາຍ ດ້ວຍການເຮັດອັນໃດທີ່ຄືກັນກັບຄົນອື່ນໃນບ້ານເຮົາ ນິໄສທີ່ມັກເຮັດອັນໃດກໍ່ຮຽນແບບຄົນທີ່ປະຕິບັດແລ້ວສຳເລັດຜົນນີ້ກໍ່ຄືສິ່ງທີ່ຄວນແກ້ໄຂໃນຍຸກໜຶ່ງດັ່ງຄົນທີ່ ຮຽນວິຊາຊີບແລ້ວມາຕໍ່ບໍລິຫານ

ເຊັ່ນ MBA ຈະເປັນທີ່ຕ້ອງການຂອງບໍລິສັດຕ່າງໆຫຼວງຫຼາຍ ເພາະມີຄົນລຸ່ນທຳອິດທີ່ຈົບບໍລິຫານ ແອັມບີເອ ຈະມີພື້ນຖານທາງວິຊາຊີບຈະປະສົບຄວາມສຳເລັດໃນການເຮັດວຽກສູງ ຄົນໄວຮຸ່ນຕໍ່ມາຈຶ່ງມີເລື່ອງແຟຊັນທີ່ຈະເຂົ້າມາຫາວິຊາວະກອນແລ້ວຄ່ອຍຍ້າຍມາຮຽນປະລິນຍາໂທທາງດ້ານບໍລິຫານ ແລະ ກໍ່ມີຈຳນວນຜູ້ທີ່ ເຂົ້າຮຽນຫຼາຍຂຶ້ນຈົນກາຍເປັນເລື່ອງປົກກະຕິທີ່ຈະຫາຄົນຈົບ MBA ແລະ ວິຊາຊີບ.

ທ່ານບໍ່ມີທາງສຳເລັດດ້ວຍການເຮັດຕາມຄົນອື່ນ

ເຄັດລັບຄວາມສຳເລັດໃນການເຮັດວຽກທີ່ໄດ້ຊີ່ມໃສ່ຫູຕໍ່ໆກັນເຊັ່ນ:

·         ຮຽນທີ່ໂຮງຮຽນຊື່ດັງ

·         ໃຫ້ເຮັດວຽກໃນບໍລິສັດທີ່ມີຊື່ສຽງກ່ອນ

·         ພະຍາຍາມສ້າງເຄືອງຂ່າຍເພື່ອນແລ້ວການງານຈະຮຸ່ງ.

ຄັດລັບເຫຼົ່ານີ້ບໍ່ແມ່ນເລື່ອງລັບອີກຕໍ່ໄປເພາະຫຼາຍຄົນກໍ່ຮູ້ ແລະ ພະຍາຍາມກະທຳແບບດັ່ງກ່າວແລ້ວແມ່ນຫຍັງຄືເຫດຜົນທີ່ຫົວໜ້າຈະເລືອກສະໜັບສະໜູນທ່ານ.

ຂໍ້ເສຍອີກຢ່າງໜຶ່ງຂອງການພະຍາຍາມເຮັດຕາມຄົນອື່ນເຊັ່ນ: ເຮັດຕາມຮຸ່ນອ້າຍທີ່ປະສົບຄວາມສຳເລັດ ຫຼື ເອີ້ນວ່າ “ຕົວ​ແບບ” ຫຼາຍໆທ່ານທີ່ເຮົາໄດ້ຍິນແຕ່ເຮົາລືມໄປວ່າ ຕົວ​ແບບ  ແລະ ເຮົາມີພື້ນຖານ, ມີຄວາມຖະ ຫນັດ, ມີສະພາບແວດລ້ອມແຫ່ງໂອກາດທີ່ແຕກຕ່າງກັນ.

ຄົນຫຼາຍຄົນທີ່ມັກອ່ານເຄັດລັບຄວາມ​ຮັ່ງມີຈຶ່ງບໍ່ເຫັນຈະຄ່ອຍຮັ່ງເພາະເຮົາມີຫຼາຍຢ່າງທີ່ບໍ່ຄືກັນກັບເຂົາເຈົ້າ ສິ່ງທີ່ຄວນເຮັດກໍ່ແມ່ນ: ສຶກສາເຖິງແນວຄິດ, ບົດຮຽນບາງອັນທີ່ເຂົາເຈົ້າບອກຕໍ່ເພາະບໍ່ຕ້ອງໄປລອງ ຜິດລອງຖືກອີກ; ນຳເອົາສິ່ງທີ່ເປັນປະໂຫຍດເຫຼົ່ານີ້ມາປັບໃຊ້ໃນແບບຂອງເຮົາເອງ ເປັນຕົວຂອງເຮົາເອງ. ທ່ານຈະສຳເລັດໄດ້ກໍ່ເປັນຕົວຂອງຕົວເອງຫຼາຍທີ່ສຸດ. ການຮຽນແບບກໍ່ເປັນໄດ້ແຕ່ພຽງຂອງທຽມ ດັ່ງສິນຄ້າທີ່ພະຍາ ຍາມລອກຮຽນແບບຍີ່ຫໍ້ດັງເທົ່ານັ້ນ.

ກົດຂໍ້ທຳອິດສູ່ຄວາມສຳເລັດແມ່ນບໍ່ມີກົດ.

ມັນອາດຈະເປັນການຍາກໃນການທີ່ຈະກ້າວຂ້າມຄວາມເຊື່ອແບບເກົ່າທີ່ເປັນຂອບຄຸມເຮົາໄວ້ຢູ່ ເພາະຕັ້ງແຕ່ຕອນຍັງນ້ອຍເຮົາກໍ່ໄດ້ຮຽນແລ້ວວ່າ“ປະຫຍັດແລ້ວລວຍ” ແຕ່ແມ່ຂອງຂ້າພະເຈົ້າປະຫຍັດມາທັງຊີວິດກໍ່ບໍ່ເຫັນຈະລວຍ; ພໍ່ບອກວ່າຢາກກ້າວໜ້າຕ້ອງຂະຫຍັນແຕ່ພໍ່ກໍ່ໄດ້ບຳນານພໍປານກາງ, ເບິ່ງອອກໄປບໍ່ໄກເຮົາກໍ່ ສັງເກດເຫັນຄົນອາຍຸພຽງແຕ່ 21 ປີສາມາດເປັນເຈົ້າຂອງທຸລະກິດພັນລ້ານຕົວຢ່າງ​ເພື່ອນ​ບ້ານ​ໃກ້ໆ​ເຮົາ​ນີ້ “ເຖົ້າແກ່ນ້ອຍ” ບ່ອນຮັດວຽກເຮົາ​ເຂົາ​ເຈົ້າມີອາຍຸເທົ່າກັນເຮັດວຽກເປັນເຈົ້າຂອງນາຍເຮົາອີກ ແມ່ນຫຍັງແທ້ຄືກົດເກນແຫ່ງຄວາມສຳເລັດ? ຄຳຕອບງ່າຍໆກໍ່ແມ່ນ“ບໍ່ມີ”.

ອ້າວ!..ຫາກບໍ່ມີກໍ່ຊິເວົ້າໄປເຮັດຫຍັງ? ທີ່ແທ້ບໍ່ແມ່ນເດີທ່ານແປຄວາມໝາຍຜິດແລ້ວການທີ່ຢາກບອກວ່າກົດແຫ່ງຄວາມສຳເລັດຂໍ້ທຳອິດແມ່ນ “ບໍ່ມີກົດ” ໝາຍຄວາມວ່າທ່ານຢ່າໄປຢຶດຕິດໃນຮູບແບບໃດໜຶ່ງໃນການດຳເນີນຊີວີດດັ່ງເຄັດລັບໃນວິຊາສຸດຍອດໜັງຈີນ“ໄຮ້ຂະບວນທ່າ”ມັນຄືການເລືອກເອົາຮູບແບບທີ່ດີໆມາລວມກັບຈຸດແຂ່ງໃນຕົວທ່ານແລ້ວມຸ່ງໄປໃນທິດທາງທີ່ຖືກຕ້ອງເມື່ອມີໂອກາດເຂົ້າມາທ່ານກໍ່ມີໂອກາດສຳເລັດ.

ປະ​ເດັນ​ຫຼັກ​ໃນ​ບົດ: “ສັງເກດເຫັນບາງຄົນອາຍຸພຽງແຕ່ 21 ປີສາມາດເປັນເຈົ້າຂອງທຸລະກິດ, ຢູ່ບ່ອນ​ເຮັດວຽກເຮົາ ​ເຂົາ​ເຈົ້າມີອາຍຸເທົ່າກັນເຮັດວຽກເປັນເຈົ້າຂອງນາຍເຮົາອີກ ແມ່ນຫຍັງແທ້ຄືກົດເກນແຫ່ງຄວາມສຳເລັດ”

14-05-2013-B-2-Management zone

Topic:ທຳລາຍຂອບຄວາມ​ຄິດເກົ່າໆ.

ຢ່າສ້າງຂອບລ້ອມຕົວເອງ.

ທ່ານຫາກໍ່ເຮັດວຽກໄດ້ບໍ່ດົນ ມຸມມອງຂອງທ່ານກໍ່ອາດຈະຍັງຄົງເປີດກວ້າງພ້ອມຮັບສິ່ງໃໝ່ໆຢູ່ ນັ້ນເປັນສິ່ງທີ່ດີແຕ່ຫາກທ່ານເຮັດວຽກມາແລ້ວ 3 ປີ ຂຶ້ນໄປຍິ່ງເຮັດວຽກມຸມມອງຍິ່ງແຄບເພາະເຮົາ ເຈີບັນຫາຫຼາຍຂຶ້ນບາງບັນຫາທີ່ບໍ່ໄດ້ຮັບການແກ້ໄຂ ແລະ ຮຽນຮູ້ເໝາະສົມກໍ່ກາຍເປັນ“ຂອບ” ປິດກັ້ນ ການກະທຳ ແລະ ແນວຄິດຂອງທ່ານແລ້ວເຮົາຈະບໍ່ກ້າຄິດ ຫຼື ເຮັດແບບນັ້ນເພາະຢ້ານເກີດບັນຫານັ້ນ ອີກ.

ໃນສະໄໝທີ່ເລີ່ມເຮັດວຽກໃໝ່ຂ້າພະເຈົ້າເຄີຍສະເໜີແນວຄິດດີໆໃຫ້ຮຸ່ນອ້າຍໄດ້ພິຈາລະນາແຕ່ບໍ່ ໜ້າເຊື່ອວ່າຮຸ່ນອ້າຍກັບເຫັນແຕ່ບັນຫາທີ່ຈະເກີດຈາກແນວຄິດນັ້ນ ທາງນັ້ນກໍ່ມີບັນຫາທາງນີ້ກໍ່ມີບັນຫາແລ້ວຍັງສອນຂ້າພະເຈົ້າວ່າ“ເຊື່ອອ້າຍເທາະອ້າຍລອງມາແລ້ວ”ແຕ່ສິ່ງທີ່ບໍ່ໜ້າເຊື່ອນັ້ນກໍ່ແມ່ນສິ່ງທີ່ບໍລິສັດຂອງເຮົາບໍ່ກ້າຄິດຈະລອງເຮັດເບິ່ງ ແຕ່ຄູ່ແຂ່ງກັບເຮັດໄດ້ ແລະ ສຳເລັດອີກ.

ຫົນທາງສູ່ຄວາມສຳເລັດມັນມີຫຼາຍທາງ

ບໍ່ວ່າຈະເປັນການເຮັດວຽກນ້ອຍ ຫຼື ວຽກໃຫຍ່ທີ່ສ້າງເສັ້ນທາງສູ່ຄວາມສຳເລັດໃນຊີວິດຂອງທ່ານລ້ວນແລ້ວ ແຕ່ມີຫຼາຍເສັ້ນທາງຂ້າພະເຈົ້າກໍ່ບໍ່ເຄີຍເຂົ້າໃຈວ່າມັນແປວ່າຫຍັງຈົນເມື່ອເລີ່ມມີປະສົບການຊີວິດຫຼາຍຂຶ້ນຈຶ່ງເລີ່ມເຂົ້າໃຈວ່າວິທີການເຮັດອັນໃດໃຫ້ສຳເລັດນັ້ນມີຫຼາຍວິທີບາງເທື່ອເຮົາໄດ້ຍິນໝູ່ເພື່ອນເວົ້າອັນໃດໜຶງທີ່ແຕກຕ່າງຈາກເຮົາຄິດເຮົາອາດຄິດວ່າເພື່ອນຄິດຜິດແຕ່ແທ້ຈິງແລ້ວມັນອາດບໍ່ແມ່ນບາງເທື່ອເພື່ອນ ແລະ ຂ້າພະເຈົ້າຕ່າງເວົ້າຖືກທັງສອງແຕ່ຫາກເຮົາປິດກັ້ນບໍ່ຮັບຟັງແນວທາງທີ່ແຕກຕ່າງເຮົາກໍ່ຈະຮູ້ພຽງວິທີດຽວເຊິ່ງແມ່ນວ່າເຮົາອາດບໍ່ໄດ້ໂງ່ແຕ່ກໍ່ບໍ່ໄດ້ໝາຍຄວາມວ່າເຮົາຈະສະຫຼາດຂຶ້ນ.

ຈົ່ງຝຶກຮຽນຮູ້ປະສົບການທີ່ແຕກຕ່າງ, ເປີດຮັບສິ່ງໃໝ່, ຢ່າເປັນຈອກທີ່ເຕັມນ້ຳເພາະຍິ່ງເຮົາຮູ້ຫຼາຍ ຈະເຮັດໃຫ້ເຮົາຮູ້ແທ້ເພາະທຸກຄວາມຮູ້ສຸດທ້າຍມັນຈະມາເຊື່ອມໂຍງກັນ.

ໂອກາດມັກຈະມາຕອນວິກິດ.

ສິ່ງວິເສດຂອງການເບີ່ງສິ່ງທີ່ກວ້າງບໍ່ເຮັດຫຍັງຕາມຄົນອື່ນກໍ່ແມ່ນຊ່ວງທີ່ວິກິດທີ່ຫຼາຍໆຄົນຍັງຢ້ານກົວແຕ່ແທ້ຈິງ ທຸກວິກິດມີໂອກາດທີ່ຍິ່ງໃຫຍ່ລີ້ຊ່ອນຢູ່ຫາກທ່ານຕິດຕາມປະຫວັດການໂລກຫຼາຍຮ້ອຍປີທີ່ຜ່ານມາ. ໃນທຸກໆວິກິດທີ່ຜ່ານໄປຈະກຳເນີດໃຫ້ມີຜູ້ນຳ ຫຼື ຜູ້ທີ່ປະສົບຄວາມສຳເລັດຮຸ່ນໃໝ່ໆອອກມາແມ່ນແຕ່ບ່ອນເຮັດວຽກໃນໄລຍະວິກິດສຸດໆ ແລະ ກຳລັງກັບມາພິກຟື້ນເຕີບໂຕກໍ່ຖືວ່າເປັນໂອກາດທີ່ດີທີ່ສຸດທີ່ຈະມີຊ່ອງວ່າງ ຫຼືຊ່ອງທາງການກ້າວໜ້າຂຶ້ນ.

ຢ່າງໃດກໍ່ຕາມຢ່າງທີ່ທ່ານໃຊ້ຊີວິດໃນຮູບແບບທີ່ບໍ່ແຕກຕ່າງຈາກຄົນອື່ນໆໃນໄລຍະວິກິດ ທ່ານຈະຊອກຫາໂອກາດບໍ່ພົບເພາະໃນຊ່ວງທີ່ມັນບໍ່ດີທຸກຄົນຕ່າງເຫັນແຕ່ສິ່ງບໍ່ດີຈະໃຫ້ເບິ່ງແຕກຕ່າງໃຫ້ໂອກາດ ເວົ້າຕອນນີ້ມັນງ່າຍແຕ່ໃນເວລາປະເຊີນແທ້ໆອາດຈະເຮັດບໍ່ໄດ້ນອກຈາກທີ່ເຮົາຝຶກຕົວເຮົາເອງໃຫ້ໂດດເດັ່ນຈາກຄົນອື່ນກ້າເປີດສິ່ງໃໝ່, ເບິ່ງໃນມຸມກວ້າງ ຫຼື ມີວິໄສທັດນັ້ນແຫຼະເຮົາຈະມີໂອກາດໃນທຸກໆວິກິດ.

ຄິດໃຫຍ່ບໍ່ຄິດນ້ອຍ.

ພະລັງແຫ່ງຄວາມຄິດນັ້ນໃຫຍ່ຫຼາຍໄດ້ມີຄຳເວົ້າແຕ່ບູຮານບອກວ່າຫາກທ່ານຄິດວ່າທ່ານສາມາດຍູ້ພູເຂົາໄດ້ທ່ານຈະສາມາດເຮັດໄດ້ແທ້ດັ່ງນັ້ນສິ່ງທຳອິດຂອງຄວາມສຳເລັດປັບຄວາມຄິດຕ້ອງຄິດໃນດ້ານບວກຄິດວ່າເຮັດໄດ້ຖ້າທ່ານຄິດວ່າເຮັດໄດ້ທ່ານກໍ່ຈະເຮັດໄດ້.

ການທີ່ຈະສ້າງ ແລະ ເຮັດໃຫ້ພະລັງຄວາມເຊື່ອແຂ່ງແກນມີ 3 ຂໍຫຼັກດັ່ງລຸ່ມນີ້:

1.    ຄິດວ່າຕ້ອງເຮັດໃຫ້ແລ້ວຢ່າຄິດວ່າລົ້ມເຫຼວ

2.    ເຕືອນຕົວເອງຢ່າງສະໝຳສະເໝີວ່າທ່ານເກັ່ງກວ່າທີ່ທ່ານຄິດ

3.    ຄິດໃຫຍ່ຕັ້ງຄວາມຫວັງໃຫ້ສູງ ແລະ ທ່ານຈະພຸ່ງໄປໄດ້ໄກຄິດສະເໝີວ່າເຮົາຄືຄົນສຳຄັນ ສິ່ງທີ່ເຮົາ ເຮັດນັ້ນຄືສິ່ງສຳຄັນ.

ເຮົາຄືຄົນສຳຄັນ

ຈົ່ງເວົ້າຢ່າງຫ້າວຫັນກັບຕົວເອງມື້ລະຫຼາຍຄັ້ງ, ສ້າງໂຄສະນາຂາຍຕົວເອງໃຫ້ກັບຕົວທ່ານເອງ, ເວົ້າ ຊ້ຳກັບຕົວເອງໃນທຸກໂອກາດວ່າ“ຂ້າພະເຈົ້າເປັນຄົນຊັ້ນໜຶ່ງ”ເມື່ອເຮົາໄດ້ຍິນສຽງທີ່ເວົ້າເລື້ອຍໆເຮົາກໍ່ຈະຮູ້ສຶກໄດ້ວ່າມັນເປັນແບບນັ້ນແທ້ໆ, ມັນຊ່ວຍໃຫ້ທ່ານຄິດສຳຄັນ. ການປະກົດກາຍຂອງທ່ານຈະເປັນການຊ່ວຍປະດັບຂວັນກຳລັງໃຈ ແລະ ຄວາມເຊື່ອໝັ້ນໃນຕົວເອງ ແລະ ການປະກົດກາຍຂອງທ່ານສື່ເຖິງຄົນອື່ນນຳ ເພາະສະນັ້ນໃຫ້ແນ່ໃຈວ່າ“ນີ້ຄືຄົນສຳຄັນ, ສະຫຼາດ, ມັ່ງຄັ່ງ ແລະ ໄວ້ໃຈໄດ້.

ປະ​ເດັນ​ຫຼັກ​ໃນ​ບົດ: “ຈົ່ງຝຶກຮຽນຮູ້ປະສົບການທີ່ແຕກຕ່າງ, ເປີດຮັບສິ່ງໃໝ່, ຢ່າເປັນຈອກທີ່ເຕັມນ້ຳເພາະຍິ່ງເຮົາຮູ້ຫຼາຍ ຈະເຮັດໃຫ້ເຮົາຮູ້ແທ້ເພາະທຸກຄວາມຮູ້ສຸດທ້າຍມັນຈະມາເຊື່ອມໂຍງກັນ.