14-05-2013-1-business-VKK
ທ່ານ ຫງຽນ ວັນມິ (VANMI Nguyen)
ໃນຫຼາຍປີຜ່ານມາ ຜະລິດຕະພັນອຸດສາຫະກໍາຂອງລາວ ຖືວ່າມີການເຕີບໃຫຍ່ຂະຫຍາຍຕົວເປັນລໍາດັບ ເຮັດໃຫ້ມີຫຼາຍໆຜະລິດຕະພັນຜະລິດອອກມາຮັບໃຊ້ສັງຄົມ ໃນການກໍ່ສ້າງພື້ນຖານໂຄງລ່າງຕ່າງໆ ໂດຍສະເພາະກໍແມ່ນຜະລິດຕະພັນຂອງບໍລິສັດວີເຄເຄອຸດສາຫະກໍາຈໍາກັດ ໄດ້ຊ່ວຍຕອບສະໜອງຄວາມຕ້ອງການໃນການຊົມໃຊ້ ໄດ້ໃນລະດັບໃດໜຶ່ງເຊັ່ນຜະລິດຕະພັນເຫຼັກ,
ສັງກະສີເຄືອບ, ອຸປະກອນໂທລະຄົມ, ຂົວທາງ ແລະ ຜະລິດຕະພັນອື່ນໆ ຫຼ້າສຸດທາງບໍລິສັດໄດ້ຜະລິດທໍ່ຂະໜາດໃຫຍ່ເພື່ອສະໜອງໃຫ້ກັບໂຄງການ ນັບວ່າເປັນໂຮງງານແຫ່ງທຳອິດຂອງລາວທີ່ສາມາດຜະລິດທໍ່ຂະໜາດໃຫຍ່ໄດ້.
ແນວໃດກໍດີ ທ່າມການການເຊື່ອມໂຍງເສດຖະກິດເຂົ້າສູ່ສາກົນຫຼາຍຂຶ້ນ ການແຂ່ງຂັນກໍເປັນເງົາຕາມມາ ທີ່ເຮັດໃຫ້ຫົວໜ່ວຍທຸລະກິດພາຍໃນຕ້ອງໄດ້ພັດທະນາ ລະປັບປຸງຕົນເອງໃຫ້ມີການບໍລິຫານຈັດການທີ່ດີເລີດ, ມີຜະລິດຕະພັນທີ່ໄດ້ມາດຕະຖານ ເພື່ອສາມາດແຂ່ງຂັນໄດ້ກັບຜະລິດຕະພັນຂອງນາໆປະເທດ.
ດັ່ງທີ່ເຮົາເຫັນກັນທຸກມື້ປະເທດເຮົາກຳລັງພັດທະນາ ມີໂຄງການຫຼາຍໂຄງການເກີດຂຶ້ນຢູ່ເປັນປະຈຳ ໂດຍສະເພາະແມ່ນໂຄງການກໍ່ສ້າງເຂື່ອນໄຟຟ້າ ຂະໜາດນ້ອຍ
ແລະ ກາງ ສົ່ງຜົນໃຫ້ທາງຜູ້ປະກອບການທີ່ຜະລິດວັດສະດຸເພື່ອຮັບໃຊ້ການກໍ່ສ້າງດັ່ງກ່າວໄດ້ເປັນຢ່າງດີ ແລະ ຄາດມີທ່າກ້າວທີ່ດີໃຫ້ກັບຂະແໜງອຸດສາຫະກຳເຫຼັກແຕ່ໃນນີ້ກໍມີຫຼາຍສິ່ງຢ່າງທີ່ທ້າທາຍ.
ທ່ານ ຫງຽນ ວັນມິ (VANMI Nguyen) ຮອງຜູ້ອໍານວຍການ ໂຮງງານ ວີເຄເຄ ອຸດສາຫະກໍາຈໍາກັດ
ໄດ້ກ່າວ ວ່າ: ປັດຈຸບັນທາງໂຮງງານເຮົາໄດ້ຜະລິດທໍ່ຂະໜາດໃຫຍ່ເພື່ອສະໜອງໃຫ້ກັບໂຄງການທີ່ຮັບເໝົາກໍ່ສ້າງເຂື່ອນຂະໜາດນ້ອຍ ແລະ ກາງ ປັດຈຸບັນພວກເຮົາໄດ້ສະໜອງໃຫ້ກັບໂຄງການທີ່ແຂວງ ຊຽງຂວາງ ດ້ານການບໍລິການທາງໂຮງງານເຮົາສາມາດສົ່ງສິນຄ້າ ແລະ ມີຊ່ຽວຊານນຳໄປຕິດຕັ້ງໃຫ້ກັບທີ່.
ເຖິງແມ່ນວ່າຜ່ານມາການຜະລິດທໍ່ຂະໜາດໃຫຍ່ປານນີ້ຍັງບໍ່ມີເຈົ້າໃດຜະລິດອອກມາເທື່ອມີແຕ່ນຳເຂົ້າຈາກປະເທດເພື່ອນບ້ານ ພວກເຮົາຕ້ອງໄດ້ນຳເຄື່ອງຈັກເຂົ້າມາໃໝ່, ສຶກສາຫຼາຍດ້ານ, ຕ້ອງໄດ້ປຶກສາດ້ານເຕັກນິກຈາກຊ່ຽວຊານຕ່າງປະເທດ
ຜ່ານການຜະລິດມາໄດ້ 2 ເດືອນກວ່າພວກເຮົາກໍໄດ້ຜ່ານຜ່າສິ່ງທ້າທາຍຫຼາຍໆຢ່າງມາໄດ້ຈົນເຮັດໃຫ້ພວກເຮົາສາມາດຜະລິດ ແລະ ສະໜອງໃຫ້ກັບລູກຄ້າໄດ້ຕາມເວລາທີ່ກຳນົດໄວ້, ການເຮັດທໍ່ນີ້ແມ່ນເຮົາອີກໃສ່ມາດຕະຖານຂອງຊ່ຽວຊານຂອງໂຄງການກໍຳໜົດໃຫ້ມາ ພາຍຫຼັງທີ່ເຮົາຜະລິດສຳເລັດແລ້ວພວກເຮົາຈະໃຫ້ທາງວິຊານການກວດສອບດ້ານຄຸນນະພາບຢ່າງລະອາດຈົນໄດ້ຕາມມາດຕະຖານທີ່ກຳນົດໄວ້ແລ້ວຈຶ່ງສົ່ງອອກ.
ທ່ານ ຫງຽນ ວັນມິ ກ່າວຕື່ມວ່າ: ເມື່ອສຶກສາ ແລະ ເບິ່ງໂອກາດທາງທຸລະກິດໃນຕໍ່ໜ້າ ບວກກັບທ່າແຮງທີ່ທາງໂຮງງານເຮົາມີຢູ່ ເຮັດໃຫ້ພວກເຮົາ ຕັດສິນໃຈຜະລິດທໍ່ຂາດໃຫຍ່ນີ້ຂຶ້ນມາເຖິງຈະແມ່ນຈະມີຫຼາຍສິ່ງທ້າ ແຕ່ເນື່ອງຈາກເລັງເຫັນຄວາມຕ້ອງການຊົມໃຊ້ຜະລິດ ຕະພັນ ເຮັດໃຫ້ການກໍ່ສ້າງພຶ້ນຖານໂຄງລ່າງທີ່ຈໍາເປັນເພີ່ມຂຶ້ນນັບມື້. ແຕ່ສ່ວນໃຫຍ່ແມ່ນນໍາເຂົ້າມາຈາກຕ່າງປະເທດ ດັ່ງນັ້ນຫາກປະເທດເຮົາມີຜະລິດຕະພັນດັ່ງກ່າວ ໜ້າຈະສ້າງໂອກາດທີ່ດີໃຫ້ແກ່ຜູ້ຜະລິດ.
ທ່ານ ຍັງໄດ້ກ່າວເຖິງໂອກາດ ແລະ ສິ່ງທ້າທາຍວ່າ: ການເຊື່ອມໂຍງເສດຖະກິດກັບສາກົນ ທັງການເຂົ້າເປັນສະມາ ຊິກອົງການການຄ້າໂລກ ໃນຕົ້ນປີ ແລະ ປະຊາຄົມເສດຖະກິດອາຊຽນຈະເປີດຂຶ້ນໃນປີ2015 ຖືວ່າມີຫລາຍສິ່ງທ້າທາຍຕໍ່ຫົວໜ່ວຍທຸລະກິດພາຍໃນ, ແຕ່ໃນນັ້ນກໍຈະເປັນກາລະໂອ ກາດທີ່ດີໃນການພັດທະນາທຸລະກິດໃຫ້ມີຄວາມເຂັ້ມແຂງ, ຖ້າເຮົາກຽມພ້ອມທີ່ດີເຮົາກໍສາມາດນໍາເອົາຜະລິດຕະພັນຂອງເຮົາໄປສູ່ບັນດາປະເທດຕ່າງໆໄດ້ສະດວກຂຶ້ນ.
ເພື່ອຮອງຮັບການແຂ່ງຂັນທີ່ຫຼາຍຂຶ້ນນັບມື້ ວີເຄເຄ ຈະສືບຕໍ່ຍົກສູງດ້ານບຸກຄະລາກອນ, ປັບປຸງດ້ານເຄື່ອງຈັກ, ສ້າງຜະລິດຕະພັນໃຫ້ມີຄຸນະພາບ ໄດ້ມາດຕະຖານ ISO ຈາກປັດຈຸບັນທີ່ສິນຄ້າຂອງໂຮງງານແມ່ນໄດ້ມາດຕະຖານແຫ່ງຊາດລາວ. ພັດທະນາສິນຄ້າໃຫ້ຖືກຕາມຄວາມຕ້ອງ ການຂອງຕະຫຼາດ, ປັບປຸງ
ແລະ ສ້າງລະບົບການບໍລິການໃຫ້ມີຄວາມທັນະໄຫມ.
ທ່ານ ຮອງອຳນວຍການຍັງເວົ້າເຖິງບາດກ້າວການຂະຫຍາຍຕົວຂອງໂຮງງານ ວີເຄເຄ ອີກວ່າ: ພວກເຮົາລົງມືສຶກສາຢ່າຈິງຈັງ ທັງປຶກສາຜູ້ທີ່ມີຄວາມຮູ້ໃນດ້ານການນີ້ ເຊິ່ງໃຊ້ເວລາເຖິງ2 ປີ ຈິ່ງສ້າງໂຮງງານວີເຄເຄ ອຸດສາຫະກໍາ ໃນປີ2003
ໂດຍນໍາໃຊ້ເຄື່ອງຈັກ ແລະ ເຕັກໂນໂລຊີຈາກຍີ່ປຸ່ນ ແລະ ໄຕ້ຫວັນ ດ້ວຍການລົງທຶນໃນເບື້ອງຕົ້ນ30ກວ່າຕື້ກີບ. ໄດ້ເລີ່ມເປີດການຜະລິດຢ່າງເປັນທາງການໃນປີ2004 ໂດຍເລີ່ມຈາກຜະລິດຕະພັນສັງກະສີເຄືອບສີ ກາຊ້າງ3ໂຕ ຖືເປັນໂຮງງານຫຼັງທໍາອິດທີ່ຜະລິດສັງກະສີເຄືອບສີໄດ້.
ຫຼັງຈາກຜະລິດຕະພັນອອກສູ່ຕະຫຼາດ ກໍໄກ້ຮັບການຕອບຮັບເກີນຄາດໝາຍຈາກຕະຫຼາດ. ທ້າຍປີ2005 ຈິ່ງໄດ້ສັງເຄື່ອງຈັກເຂົ້າມາຕື່ມເພື່ອຜະລິດເຫຼັກຮູບປະພັນປະເພດຕ່າງໆທັງເຫຼັກແປເຫລັກກົມ ຫຼື ເວົ້າໄດ້ວ່າຜະລິດໄດ້ຄົບທຸກລຸ້ນທີ່ຕະຫຼາດຊົມໃຊ້. ປີ2009 ທີ່ລາວກຽມເປັນເຈົ້າ ພາບຊີເກມ ກໍຂະຫຍາຍມາຜະລິດເສົາໄຟເຢືອງທາງ ແລະ ເສົາໂທລະຄົມເຄືອບກັນໝ້ຽງ ເຊິ່ງໄດ້ກາຍເປັນການບໍລິການໜຶ່ງ ໃຫ້ແກ່ໂຮງງານອື່ນໆນໍາເອົາສິນຄ້າເຂົ້າມາເຄືອບກັນໝ້ຽງ.
ທ່ານ ຮອງຜູ້ອຳນວຍການເປີດເຜີຍຕື່ມອີກວ່າ: “ຈາກມື້ເລີ່ມຕົ້ນມາເຖິງປັດຈຸບັນ ບໍລິສັດວີເຄເຄ ກໍມີການເຕີບໃຫຍ່ຂະຫຍາຍຕົວເປັນກ້າວໆ ໃນລະດັບປີລະ20%. ປັດຈຸບັນ
ໄດ້ມີຫຼາຍຜະລິດຕະພັນອອກສູ່ສັງຄົມ ທັງສັງກະສີເຄືອບສີ,
ເຫຼັກຮູບປະພັນທຸກຊະນິດ, ເສົາໄຟເຍືອງທາງ, ດອກໄຟເຍືອງທາງ, ເສົາໄຟອຳນາດ ,ຮາວປ້ອງກັນ(ທາງ), ແຜ່ນຫຼັງຄາ, ເສົາສົ່ງສັນຍານ, ທໍ່ຂະໜາດໃຫຍ່ຮັບໃຊ້ເຂື່ອນໄຟຟ້າ ແລະ ອີກຫຼາຍຜະລິດຕະພັນ.”
ການດໍາເນີນທຸລະກິດໃນໄລຍະຜ່ານມາຂອງຕົນແມ່ນຢຶດຖື ຄວາມອົດທົນເປັນຫຼັກ, ຢ່າຄິດວ່າຕ້ອງເອົາກໍາໄລຫຼາຍເພື່ອໃຫ້ໄດ້ທຶນໄວ ເພາະວຽກອຸດສາຫະກໍາຕ້ອງໃຊ້ໄລຍະຍາວ, ນອກນັ້ນກໍແມ່ນຄວາມຊື່ສັດຕໍ່ລູກຄ້າ.
“ການຜະລິດອຸດສາຫະກໍາ ວັດຖຸດິບແມ່ນຫົວໃຈຫລັກເພາະບໍລິສັດ
ໄດ້ນໍາໃຊ້ວັດຖຸດິບຫລາຍແບບຫລາຍປະເພດ ດັ່ງນັ້ນຕະຫຼອດຫລາຍປີຜ່ານມາ ບໍລິສັດຈະໃຫ້ຄວາມສໍາຄັນຫຼາຍໃນການຈັດຊື້ວັດຖຸດິບເພື່ອຮັບໃຊ້ການຜະລິດ ທັງຈາກສ.ເກົາຫຼີ, ຍີ່ປຸ່ນ, ຈີນ, ໄທ ແລະ ຫວຽດນາມ.”
ທ່ານ ຫງຽນ ວັນມິ ໄດ້ກ່າວປິດທ້າຍວ່າ: ສຳລັບລູກຄ້າທີ່, ໂຄງການໃດຫາກມີຄວາມຕ້ອງການນຳໃຊ້ທໍຂະໜາດໃຫຍ່ທີ່ໄດ້ມາດຕະຖານ ສາມາດເຂົ້າມາຫາເຮົາໄດ້ທີ່ໂຮງງານ ສຳລັບທໍ່ລູກຄ້າສາມາດສັ່ງໄດ້ວ່າຢາກໄດ້ຂະໜາດໃດ ສະເປັກໃດທາງໂຮງງານເຮົາສາມາດຜະລິດ ແລະ ສະໜອງໃຫ້ໄດ້ສ່ວນລາຄາແມ່ນຂຶ້ນກັບ ແຕ່ລະສະເປັກຂອງທໍ່ ແຕ່ເວົ້າໄດ້ວ່າຖືກກວ່າທີ່ນຳເຂົ້າຈາກປະເທດເພື່ອບ້ານ ທຸກມື້ນີ້ການຜະລິດຂອງເຮົາແມ່ນເຕັມເວລາ ເພື່ອສະໜອງໃຫ້ ແກ່ລູກຄ້າ ແລະ ໃນຕໍ່ໜ້າພວກເຮົາມີແຜນທີ່ຈະຂະຫຍາຍໂຮງງານອອກ ເພື່ອເພີ່ມກຳລັງການຜະລິດໃຫ້ຫຼາຍຂຶ້ນ.
ຫົວຂໍ້ສຳຮອງ: ວີເຄເຄຫວັງສະໜອງທໍ່ຂະໜາດໃຫ້ໂຄງການເພື່ອສ້າງມູນຄ່າເພີ່ມມູນຄ່າເພີ່ມອຸດສາຫະກຳເຫຼັກ.
ປະເດັນຫຼັກ: ຈາກທ່າແຮງທີ່ເຮົາມີຢູ່ ເຮັດໃຫ້ພວກເຮົາ ຕັດສິນໃຈຜະລິດທໍ່ຂາດໃຫຍ່ນີ້ຂຶ້ນມາ ເຖິງຈະມີຫຼາຍສິ່ງທ້າ ແຕ່ເນື່ອງຈາກມີຄວາມຕ້ອງການຊົມໃຊ້ຜະລິດຕະພັນ ໃນການກໍ່ສ້າງພຶ້ນຖານໂຄງລ່າງທີ່ຈໍາເປັນ ”
ไม่มีความคิดเห็น:
แสดงความคิดเห็น