ຜູ້ບາດເຈັບ
60% ມີທາດເຫຼົ້າຢູ່ໃນເລືອດເກີນມາດຕະຖານ ທ່ານເປັນຄົນລາວຜູ້ໜຶ່ງຫຼືບໍ່ທີ່ມັກດື່ມ?
ດອກບານເລິກ
ຂໍສະເໜີແບບທົດສອບອາການເມົາເຫຼົ້າດັ່ງນີ້:
1.
ທ່ານມັກມີປາກສຽງກັບສິ່ງທີ່ບໍ່ມີຊີວິດເຊັ່ນ:
ປ້າຍໂຄສະນາ,ເສົ້າໄຟຟ້າ, ຖັງຂີ້ເຫຍື່ອ…
2.
ຜົນການກວດເລືອດຂອງທ່ານແພດລະບຸວ່າປະລິມານເລືອດເຈືອຈາງໃນກະແສເຫຼົ້າ.
3.
ຄຳເວົ້າທີ່ນິຍົມສຸດເວລານັ່ງຄົນດຽວຄື:
ເບຍອີກໜຶ່ງແກ້ວ…ເບຍອີກໜຶ່ງແກ້ວ…ແລະ ກໍເບຍອີກໜຶ່ງແກ້ວ.
4.
ທ່ານເຂົ້າໃຈຜິດວ່າອາຫານ5ໝູ່ປະກອບດ້ວຍ:
ໂປຣຕິນ,ໄຂມັນ,ຄາໂປໄຮເດຣດ,ວິຕາມິນ ແລະ ເຫຼົ້າ.
5.
ທ່ານຕ້ອງເກາະສະໜາມຫຍ້າໃວ້ແໜ້ນເພາະຢ້ານຕົກຈາກໂລກ.
6.
ຫົວຂອງທ່ານເປັນແຜເລື້ອຍໆບໍລິເວນທ້າຍທອຍ
ແລະ ໜ້າຝາກໂດຍບໍ່ຮູ້ສາເຫດ ແພດສັນນິຖານວ່າ ມັນອາດຈະຕຳກັບຂອບໂຖສ້ວມ.
7.
ທ່ານແນມເຫັນພາບຊັດເຈນກວ່າ
ຖ້າຫຼັບຕາຂ້າງໜຶ່ງ ແລະ ຈະເຫັນຈະເຫັນຊັດເຈນຫຼາຍຂື້ນຖ້າທ່ານ ຫຼັບຕາທັງສອງຂ້າງ,
8.
ຮູກຸນແຕສະຕາດລົດເຄື່ອນທີ່ໜີທ່ານໄດ້ ແລະ
ຖະໜົນໂຢ້ນໄປມາເໝືອນງູ ເຮັດໃຫ້ທ່ານຂັບລົດດ້ວຍຄວາມຍາກລຳບາກ.
9.
ທ່ານຄິດບັນຫາພຽງຢ່າງດຽວຂອງການດື່ມເຫຼົ້າຄື
“ບໍ່ມີເຫຼົ້າດື່ມ”
10.
ຜູ້ຍິງທຸກຄົນທີ່ທ່ານເຫັນຈະມີຝາແຝດຄູ່ເໝືອນຢືນຢູ່ທາງຂ້າງໆ.
11.
ທ່ານຕັ້ງຊື່ໝາທີ່ທ່ານຮັກຢູ່ເຮືອນວ່າ
“ວິສກີ ແລະ ໂຊດາ”
12.
ທ່ານຄົ້ນພົບວ່າ
ເບຍ5 ແກ້ວໃຫ້ພະລັງງານຄິດເປັນແຄຣລໍຣີ ເທ່ົາກັບເຂົ້າແກງຖ້ວຍໃຫຍ່ໆ ດັ່ງນັ້ນ,ເພື່ອເຫັນແກ່ສຸຂະພາບທ່ານຈິ່ງຄວນງົດເຂົ້າແລງ.
13.
ທຸກຄັ້ງທີ່ຫາຄຳສົນທະນາທີ່ເໝາະສົມບໍ່ທັນ
ທ່ານບໍ່ຂັ້ນຈັງຫວະດ້ວຍ “ເອີ່” ແຕ່ຈະເວົ້າວ່າ “ເອິ໋ກ”
14.
ທ່ານມັກຫາປາກບໍ່ພໍ້
ຫຼາຍຄັ້ງທີ່ດື່ມໂດຍໃຊ້ດັງ.
15.
ຍູງທຸກຕົວທີ່ກັດທ່ານຈຳຕ້ອງບິນບໍ່ຂື້ນທຸກຕົວ.
16.
ທ່ານຍ່າງຢ່າງມີຈັງຫວະສະເພາະຕົວຄື..ກ້າວໄປຊ້າຍ,ຍ້າຍໄປຂວາ,ຍ່າງໄປໜ້າ
ແລະ ຖອຍຫຼັງ.
17.
ໃນຂະນະໝູ່ບອກໃຫ້ທ່ານກັບເຮືອນ
ທ່ານຈຳເປັນຕ້ອງບອກໃຫ້ເຂົາເຈົ້າຮູ້ເລື້ອຍໆວ່າ:“ກູ ບໍ ມາວ”
ລອງສຳຫຼວດຕົວເອງເບິ່ງຮັບຮອງວ່າ
ມີຂໍ້ຖືກຫລາຍກວ່າຂໍ້ຜິດ
ไม่มีความคิดเห็น:
แสดงความคิดเห็น