ໃນປັດຈຸບັນປະເທດລາວເຮົາມີນັກລົງທຶນຈາກຕ່າງປະເທດເຂົ້າມາລົງທຶນນັບມື້ນັບຫຼາຍຂຶ້ນ ຍ້ອນທ່າແຮງດັ່ງກ່າວ: ຈຶ່ງເກີດມີຄວາມຕ້ອງການຢ່າງຫຼວງຫຼາຍໃນການຊອກຫາບ່ອນພັກອາໄສບໍວ່າຈະຢູ່ໃນຊຸມຊົນຕົວເມືອງ ຫຼື ຊານເມືອງ ແລະ ໃນນັ້ນ ບໍລິສັດເຣັນສະບາຍ
ກໍແມ່ນໜຶ່ງອົງກອນທີ່ເຮັດທຸລະກິດກ່ຽວກັບການຈັດຫາອະສັງຫາລິມະຊັບ.
ທ່ານ
ຫຸມພັນ ໄຊຍະລາດ
ຜູ້ຈັດການໃຫຍ່ ບໍລິສັດ ເຣັນສະບາຍ ຈຳກັດ ກ່າວວ່າ: ຂ້າພະເຈົ້າ ໄດ້ມີຄວາມໄຝຝັນທີ່ຢາກຈະມີທຸລະກິດສ່ວນຕົວມາຕັ້ງແຕ່ສະໄໝທີ່ຍັງສຶກສາຢູ່ປະເທດໄທແລ້ວ ເມື່ອສຳເລັດການສຶກສາລະດັບປະລິນຍາໂທຝາຍການຕະຫຼາດ ໃນປີ 2006 ກໍກັບຄືນມາປະເທດລາວໄປເຮັດວຽກ ກັບທະນາຄານໂລກ ປະມານ 2 ປີ
ຫຼັງຈາກນັ້ນກໍຄິດວ່າຈາກມີທຸລະກິດທີ່ເປັນ
ຂອງໂຕເອງກໍ່ເລີ່ມໄປເກັບກ່ຽວປະສົບການໃນການສ້າງຕັ້ງບໍລິສັດໄລຍະໜຶ່ງຂ້າພະເຈົ້າກໍ່ສ້າງບໍລິສັດ ເຣັນສະບາຍ ຈຳກັດ ນີ້ຂຶ້ນມາ ແລະ ເປີດເປັນທາງການໃນວັນທີ່ 9/9/2008 ໂດຍເລີ່ມຕົ້ນກໍ່ມີພຽງແຕ່ ພະນັກງານ
3 ຄົນ ແລະ ປະຈຸພັນພວກເຮົາມີພະນັກງານ 8 ຄົນທີ່
ມີຄວາມ ຮູ້ຄວາມສາມາດໃນ ດ້ານອະສັງຫາລິມະຊັບໄວ້ຄ່ອຍບໍລິການກັບລູກຄ້າທັງໃນ
ແລະ
ຕ່າງປະເທດ.
ຜູ້ຈັດການໃຫຍ່ ບໍລິສັດ ເຣັນສະບາຍ ຈຳກັດ ກ່າວອີກວ່າ: ທຸລະກິດທາງດ້ານການຈັດຫາອະສັງຫາລິມະຊັບຢູ່ໃນປະເທດລາວຍັງບໍ່ທັນໄດ້ຂະຫຍາຍຕົວຫຼາຍເທື່ອ,ຍ້ອນສາເຫດນີ້ພວກຂ້າພະເຈົ້າຈຶ່ງຕັດສິນໃຈເຮັດທຸລະກິດປະເພດບໍລິການເພາະທຸລະກິດປະເພດການບໍລິການເປັນທຸລະກິດທີ່ໃຊ້ຕົ້ນທຶນຕໍ່າ ແຕ່ວ່າ: ຕ້ອງໃຊ້ທັກສະ ແລະ ຄວາມສາມາດສູງເຊິ່ງພວກຂ້າພະເຈົ້າມີທີມງານທີ່ມັກຄວາມທ້າທ້າຍ,ມີພື້ນຖານຄວາມເຂົ້າໃຈຕໍ່ການຕະຫຼາດ ແລະ ການບໍລິການຢູ່ແລ້ວບວກໃສ່ກັບປະເທດລາວເຮົາກຳລັງມີການຂະຫຍາຍຕົວທາງດ້ານເສດຖະກິດແບບກ້າວກະໂດດສົ່ງຜົນໃຫ້ນັກລົງທຶນຈາກຕ່າງປະເທດມາລົງທຶນຢູ່ລາວນັບມື້ນັບຫຼາຍຂຶ້ນຍ້ອນທ່າແຮງດັ່ງກ່າວຈຶ່ງເກີດໃຫ້ມີຄວາມຕ້ອງການບ່ອນພັກອາໄສຢ່າງຫຼວງຫຼາຍ ສະນັ້ນພວກຂ້າພະເຈົ້າເບິ່ງເຫັນໂອກາດສ້າງຜົນລາຍໄດ້ທີ່ດີຈາກການເຮັດທຸລະກິດບໍລິການຈັດຫາອະສັງຫາລິມະຊັບ ແລະ ເພື່ອອຳນວຍຄວາມສະດວກສະບາຍຕໍ່ກັບປວງຊົນຜູ້ທີ່ຕ້ອງການຢາກຈະໃຫ້ຕ່າງປະເທດມາເຊົ່າ ຫຼື ຊື້-ຂາຍດິນ,ບ້ານເຮືອນຕ່າງໆ.
ທ່ານ
ຫຸມພັນ ໄຊຍະລາດ
ກ່າວຕື່ມອີກວ່າ: ລູກຄ້າທີ່ມາໃຊ້ບໍລິການ ນຳບໍລິສັດຂອງພວກເຮົາສ່ວນຫຼາຍຈະເປັນລູກຄ້າທີ່ເປັນນັກທຸລະກິດມາຈາກຕ່າງປະເທດກວມເຖິງ 70% ແລະ ພວກເຮົາມີຄວາມໄດ້ປຽບບໍລິສັດທີ່ຈັດຫາອະສັງຫາລິມະຊັບອື່ນໆຄື: ການສືສານເພາະວ່າ:ທີມງານບໍລິສັດພວກເຮົາສາມາດໃຊ້ພາສາໃນການສືສານໄດ້ເຖິງ 3 ພາສາ ເປັນຕົ້ນແມ່ນ ພາສາຈີນ,ພາສາອັງກິດ,ແລະ ຝຣັ່ງ, ເຊິ່ງ ບໍລິສັດເຮົາມີການບໍລິການທີ່ວ່ອງໄວທັນໃຈ, ມີຄວາມຈິ່ງໃຈຊື່ສັດຕໍ່ລູກຄ້າທີ່ມາໃຊ້ບໍລິການ, ແລະ ພວກເຮົາຖືລູກຄ້າທີ່ມາໃຊ້ບໍລິການຄືໝູ່ຂອງພວກເຮົາ, ນອກຈາກນັ້ນພວກເຮົາຍັງມີການບໍລິການຫຼັງຈາກລູກຄ້າທີ່ມາໃຊ້ບໍລິການຈັດຫາອະສັງຫາລິມະຊັບ ຜ່ານທາງບໍລິສັດຂອງພວກຂ້າພະເຈົ້າເຊັ່ນ: ພວກເຮົາຈະມີທີມງານທີ່ໄວ້ຄ່ອຍຕິດຕາມພົວພັນກວດກາເບິ່ງແຍງວັດຖຸຕ່າງໆທີ່ລູກຄ້າຂອງພວກເຮົາໄປພັກອາໄສວ່າຕົກແຕກເສຍຫາຍ ຫຼື ບໍ່? ເປັນໄລຍະ ເພື່ອເປັນການຫຼີກລ້ຽງການຖືກເອົາປຽບຂອງຜູ້ເຊົ່າ ແລະ ຜູ້ຖືກເຊົ່າ ຕາມສະໂລແກນໃນການເຮັດວຽກທີ່ວ່າ: “ບໍລິການວ່ອງໄວ ຊື່ສັດຈິ່ງໃຈ”
ເມື່ອປະເທດລາວຈະກ້າວເຂົ້າເປັນສະມາຊິກປະຊາຄົມເສດຖະກິດອາຊຽນ ຫຼື (AEC) [ Asian Economic Community]ໃນປີ 2015 ທາງບໍລິສັດຂອງພວກເຮົາຈະໄດ້ມີການຈັດຝຶກອົບຮົມທຸກໆພາກສ່ວນບໍ່ວ່າຈະເປັນພະແນກການຕະຫຼາດ,ບໍລິຫານ,ພະນັກງານ ແລະ ອື່ນໆ ແຕ່ສິ່ງທີ່ສຳຄັນ ພວກເຮົາ ແມ່ນເນັ້ນການເຝຶກອົບຮົມບຸກຄະລະກອນຂອງບໍລິສັດເປັນພິເສດທັງນີ້ກໍ່ເພື່ອຢາກໃຫ້ມີຄວາມ ຊຳນານໃນການເຮັດວຽກ ແລະ ເປັນມືອາຊີບອີກຕື່ມ ເພາະພວກເຮົາມີຄວາມຕ້ອງການຢາກສ້າງ ບຸກຄະລະກອນ ໃນບໍລິສັດໃຫ້ມີຄຸນນະພາບເຕັມສ່ວນຮ້ອຍໃຫ້ໄດ້ລະດັບສາກົນ
ທ່ານ ຫຸມພັນ ໄຊຍະລາດ ຍັງກ່າວໃນຕອນທ້າຍອີກວ່າ: ພວກເຮົາຍັງມີບ່ອນໃຫ້ບໍລິການ
ແລະ ປຶກສາດ້ານອະສັງຫາລິມະຊັບ ຢູ່ວັງວຽງ,ສະຫວັນນະເຂດ,ປາກເຊ,
ແລະ ຫຼວງພະບາງອີກດ້ວຍຖ້າໃຜຫາກສົນໃຈມາປຶກສາເລື່ອງທີ່ຈະເຊົ່າດິນ,ເຮືອນ,ອາພາດເມັ້ນ,ປະເມີນລາຄາອະສັງຫາ
ຫຼື ຊື່-ຂາຍເຮືອນຕ່າງໆ ສາມາດມາປຶກສາແລກປ່ຽນຄວາມຮູ້ກັບພວກເຮົາໄດ້,ສຳນັກງານໃຫຍ່ພວກເຮົາຕັ້ງຢູ່ບ້ານ ໂພນທັນ
ເມືອງ ໄຊເສດຖາ ນະຄອນຫຼວງວຽງຈັນ ຮັບຮ່ອງວ່າພວກເຮົາມີແຕ່ສິ່ງທີ່ດີໆມອບໃຫ້ທ່ານ.
ไม่มีความคิดเห็น:
แสดงความคิดเห็น