03-05-2013-B-2-world
business ໜັງສືພິມ ເສດຖະກິດ-ການຄ້າ
ໄນກີ
ມຸ້ງໜ້າເປັນຜູ້ນຳດ້ານນະວັດຕະກຳເກີບກີລາ ປີນີ້ຈັບມືອົງກອນນາຊາ ກະຊວງການຕ່າງປະເທດ
ແລະ ຍູເສດ ຈັດປະກວດຜົນງານປະດິດຄິດຄົ້ນດ້ານແຜ່ນແພເພື່ອນຳມາໃຊ້ສຳລັບການຕັດຍິບເກືອບກິລາທີ່ເປັນມິດຕໍ່ສິ່ງແວດລ້ອມ
ແລະ ມີຄວາມຄຸ້ມຄ່າໃນເຊີງການຄ້າ ໂດຍຄັ້ງນີ້ເປີດຮັບຜົນງານຈາກບໍລິສັດຜູ້ຜະລິດແຜ່ນແພທົ່ວໂລກເລີ່ມຕັ້ງແຕ່ກາງເດືອນມິຖຸນານີ້.
ໄນກີ
ຜູ້ຜະລິດເກີບກິລາຊັ້ນນຳຈາກສະຫະລັດອາເມລິກາ ກຳລັງຄົ້ນຫາແນວທາງໃໝ່ໆທີ່ຈະປະຕິບັດອຸດສາຫະກຳເກືອບກິລາໃນອານາຄົດຂ້າງໜ້າ
ຫຼ້າສຸດກາງເດືອນເມສາທີ່ຜ່ານມາ ໄນກີປະກາດເປີດຕົວໂຄງການ ( The LAUNCH
System Challenge 2013) ຄັ້ງທີ່ 4 ເຊິ່ງບໍລິສັດໄດ້ຈັບມືກັບອົງກອນລະດັບປະເທດຢ່າງອົງການບໍລິຫານການບິນ ແລະ ອາກາດແຫ່ງຊາດສະຫະລັດ (ນາຊາ)
ກະຊວງການຕ່າງປະເທດສະຫະລັດ ແລະ
ອົງກອນເພື່ອການພັດທະນາລະຫວ່າງປະເທດຂອງສະຫະລັດ (ຍູເສດ) ເພື່ອຄົ້ນຫາວັດນະກຳດ້ານແຜ່ນແພທີ່ຈະກໍ່ໃຫ້ເກີດການປ່ຽນແປງໃນວົງການ
ໂດຍໄນກີໄດ້ເປີດໃຫ້ບໍລິສັດດ້ານຜະລິດແຜ່ນແພຈາກທົ່ວໂລກສົ່ງຜົນງານນະວັດຕະກຳເຂົ້າຮ່ວມປະກວດ
ກຳນົດຮັບຜົນງານຕັ້ງແຕ່ວັນທີ່ 15 ມິຖຸນານີ້ເປັນຕົ້ນໄປ
ເວັບເພດຂອງໂຄງການດັ່ງກ່າວ
(www.launch.org) ລະບຸວ່າໄນກີຕ້ອງການນະວັດຕະກຳທີ່ມີສັກກະຍະພາບໃນການນຳມາພັດທະນາສິນຄ້າໃນເວລາ
2 ປີ ເປັນນະວັດຕະກຳທີ່ຢູ່ໃນໄລຍະຕົ້ນແບບ ຫຼື ເທັກໂນໂລຍີ່ຂັ້ນຕົ້ນຂອງການພັດທະນາທີ່ສາມາດນຳມາເຊິ່ງການປ່ຽນແປງຄັ້ງໃຫຍ່ໃນວົງການ
“ນະວັດຕະກຳອາດຢູ່ໃນຮູບຂອງແບບຈຳລອງທຸລະກິດ ເຄື່ອງມືທາງການເງິນ ເທັກໂນໂລຍີ່
ຫຼື ໂຄງການຕ່າງໆ ທີ່ຈະຊ່ວຍເລ່ງຂະບວນການວິໄຈ ການສຶກສາ ຫຼື ການເພີ່ມສັກກະຍະພາບ”
ໄນກີເປີດເຜີຍວ່າ ໂຄງການນີ້ມີເປົ້າໝາຍລະດົມຄວາມຄິດເດັດໆ ຈາກອັດສະລິຍະໃນວົງການເພື່ອນຳໄປພັດທະນາວັດສະດຸໃໝ່ໆ
ແລະ ຮູບແບບໃໝ່ໆໃນການດຳເນີນທຸລະກິດຢ່າງໝັ້ນຄົງຍັ່ງຍື່ນ ແລະ ເປັນມິດຕໍ່ສະພາບແວດລ້ອມ
ແລະ ສັງຄົມ.
ທ່ານ
ນາງ ຮັນນາ ໂຈນ ຮອງປະທານ ຝ່າຍນະວັດຕະກຳ ແລະ ທຸລະກິດຍັ່ງຍື່ນຂອງໄນກີ ກ່າວວ່າ:
“ຄວາມລິເລີ່ມເຊັ່ນນີ້ສຳຄັນຢ່າງຍິ່ງຕໍ່ອຸດສາຫະກຳເສື້ອຜ້າ
ແລະ ເກີບ ເນື່ອງວັດສະດຸທີ່ພວກເຮົາໃຊ້ເພື່ອການຜະລິດທຸກມື້ນີ້ ບໍ່ວ່າຈະເປັນແຜ່ນຜ້າ,
ຢາງ, ໂຟມ,ໄນລອນ ຫຼື ອື່ນໆ ສາມາດສ້າງຂີ້ເຍື່ອທີ່ບໍ່ສາມາດນຳມານຳໃຊ້ຄືນໄດ້ເປັນຈຳນວນມະຫາສານ”
ເວັບໄຊລະບຸ
ດັ່ງນັ້ນ
ຜົນງານທີ່ສົ່ງເຂົ້າປະກວດໃນໂຄງການນີ້ຄວນຈະຕ້ອງສາມາດຕອບໂຈດປັນຫາ 10 ຂໍ້ທີ່ທາງໂຄງການໄດ້ກຳນົດເອົາໄວ້ເຊັ່ນ:
ຕ້ອງຈັດການເລື່ອງການໃຊ້ສານພິດໃນຜື່ນຜ້າ, ຕ້ອງສາມາດນຳໄປໃຊ້ຄືນໃໝ່ຢ່າງມີປະສິດຕິພາບ,ຕ້ອງເປັນວັດສະດຸທີ່ສາມາດຊ້ອມແຊມຕົວເອງ,
ຕ້ອງມີກົນໄກທີ່ສາມາດສ້າງ ຄວາມໂປ່ງໃສ ກ່ຽວກັບຂະບວນການຜະລິດຕັ້ງແຕ່ຕົ້ນຈົນຈົບ ເປັນຕົ້ນ.
ຜົນງານທີ່ດີທີ່ສຸດ
10 ຜົນງານຈະໄດ້ຮັບການຄັດເລືອກ ໂດຍຄະນະກຳມະການທີ່ປະກອບດ້ວຍຜູ້ຊ່ຽວຊານ ແລະ ຍັງມີຄະແນນຈາກປະຊາຊົນທົ່ວໄປດ້ວຍຜູ້ເຂົ້າຮອບທີ່ໄດ້ຮັບການຄັດເລືອກຈະໄດ້ເດີນທາງເຂົ້າຮ່ວມ
ງານຮອບຕັດເຊືອກທີ່ສະຫະລັດອາເມລິກາ ເຊິ່ງຈະເປັນໂອກາດໄດ້ພົບປະໃກ້ສິດກັບກຸ່ມບຸກຄົນທີ່ເປັນ
“ຜູ້ນຳທາງຄວາມຄິດ” ລະດັບໂລກ ງານນີ້ບໍ່ມີລາງວັນເປັນເງິນສົດ ແຕ່ນະວັດຕະກຳທີ່ໄດ້ຮັບລາງ
ວັນຊະນະ ເລີດຈະໄດ້ຮັບການຕີພິມເຜີຍແຜ່ປະຊາສຳພັນສື່ຕ່າງໆ
ນອກເໜືອຈາກຜົນງານລະດັບມືອາຊີບແລ້ວ
ປາຍເດືອນພຶດສະພານີ້ ໂຄງການ LAUNCH ຂອງໄນກີ ແລະ ພັນທະມິດຮ່ວມຈັດງານ ຍັງຈະຈັດກິດຈະກຳຍ່ອຍເອີ້ນວ່າ
ກິດຈະກຳນາໂນ ຊາເລນ (nano-challenge)ທີ່ເປີດໂອກາດໃຫ້ນັກສຶກສາມະຫາວິທະຍາໄລສົ່ງຜົນງານເຂົ້າຮ່ວມປະກວດປະຊັນກັນໃນຫົວຂໍ້ກ່ຽວກັບນະວັດຕະກຳວັດສະດຸ
ແລະ ຂະບວນການໃໝ່ໆ ເພື່ອການພັດທະນາວັດສະດຸການຜະລິດອີກດ້ວຍ.
ປະເດັນຫຼັກໃນບົດ:
“ຜົນງານທີ່ສົ່ງເຂົ້າປະກວດໃນໂຄງການນີ້ຄວນຈະຕ້ອງສາມາດຕອບໂຈດປັນຫາ 10 ຂໍ້ທີ່ທາງໂຄງການໄດ້ກຳນົດເອົາໄວ້ເຊັ່ນ:
ຕ້ອງຈັດການເລື່ອງການໃຊ້ສານພິດໃນຜື່ນຜ້າ, ຕ້ອງສາມາດນຳໄປໃຊ້ຄືນໃໝ່ຢ່າງມີປະສິດຕິພາບ,ຕ້ອງເປັນວັດສະດຸທີ່ສາມາດຊ້ອມແຊມຕົວເອງ,
ຕ້ອງມີກົນໄກທີ່ສາມາດສ້າງ ຄວາມໂປ່ງໃສ ກ່ຽວກັບຂະບວນການຜະລິດຕັ້ງແຕ່ຕົ້ນຈົນຈົບ ເປັນຕົ້ນ.”
ไม่มีความคิดเห็น:
แสดงความคิดเห็น