05-03-2013-B-1-business
ທ່ານ ມິຮາລ ລາຊາຣິດີສ (ໄມຄ) Mihal Lazaridis, ຜູ້ປະກອບການ ທັງເປັນຜູ້ບໍລິຫານທຸລກິດທີ່ໃຈບຸນ (ເກີດ 1961 ທີ່ ອິສຕັນບູລ, ຕຸລະກີ) ໄມຄ ລາຊາຣິດີສ ເຂົ້າມາຢູ່ທີ່ແຄນາດາ ກັບພໍ່ແມ່ຊາວເກຣັກ ຕອນອາຍຸ 5 ປີ, ໃນຕອນນັ້ນລາວຮຽນວິສາວະກຳໄຟຟ້າ ທີ່ມະຫາວິທະຍາໄລ ວໍເຕີລູ, ປີ 1984 ໄດ້ສ້າງຕັ້ງ RESEARCH IN MOTION (RIM)ຂຶ້ນ ບໍລິສັດເທັກໂນໂລຊີໄຮ້ສາຍທີ່ປະຕິວັດອຸດສາຫະກຳການສື່ສານກັບການພັດທະນາຂອງ BlackBerry.
ລາຊາຣິດີສ ມັກວິທະຍາສາດມາຕັ້ງແຕ່ນ້ອຍ ແລະ ຫຼົງໄຫຼວິທີການເຮັດວຽກຂອງສິ່ງຂອງຕ່າງໆ, ລາຊາຣິດີສ ກັບບັນດາເພື່ອນໃຊ້ເວລາຢ່າງຫຼວງຫຼາຍຢູ່ຫ້ອງໃຕ້ດິນ ເພື່ອສ້າງວິທະຍຸ, ຈະຫຼວດ ແລະ ສິ່ງອື່ນໆ, ຕອນອາຍຸ 12 ປີ ລາວໄດ້ຮັບລາງວັນການອ່ານໜັງສືວິທະຍາສາດໃນຫ້ອງສະໝຸດສະທາລະນະ ວິນເຊີ, ຂະນະທີ່ຮຽນຢູ່ຊັ້ນມັດທະຍົມ ລາຊາຣິດີສ ໄດ້ຮຽນຫຼັກສູດວິທະຍາສາດເຊິ່ງຈະເປັນການປູທາງໃຫ້ລາວໄດ້ເຂົ້າຮຽນຢູ່ມະຫະວິທະຍາໄລ ນອກນີ້ລາວຍັງໄດ້ຮຽນຫຼັກສູດການຄ້າທັງນີ້ກໍເພື່ອເສີ່ມສັກກະຍະພາບໃນການເຂົ້າສູ່ທາງວິທະ ຍາສາດໃຫ້ໄດ້ໄວຂຶ້ນ
ໃນປີ 1979 ໄດ້ກຳໄລຈາກການນຳເອົາເກມຍອດຍິຍົມ REACH FOR THE TOP ມາດັດແກ້ຄືນໃໝ່ ຫຼັງຈາກນັ້ນລາວກໍໄດ້ເຂົ້າຮຽນຢູ່ທີ່ມະຫາວິທະຍາໄລ ວໍເຕີລູ. ທ່ານ ດຸກ ເຟຣກິນ ເປັນເພື່ອສະໜິດຂອງລາວທີ່ຮຽນນຳກັນມາແຕ່ນ້ອຍ ພວກເຂົາໄດ້ກໍ່ຕັ້ງ RIM ບໍລິສັດທີ່ປຶກສາດ້ານ ອີເລັກໂທນິກ ແລະ ທຸລະກິດຄອມພິວເຕີ ຈົນກາຍເປັນທີ່ຍອມຮັບຂອງຫຼາຍໆຄົນ ຫຼັງຈາກນັ້ນໄດ້ສຸມໃສ່ການພັດທະນາເທັກໂນໂລຊີ ສຳລັບການສົ່ງຂໍ້ມູນໄຮ້ສາຍ ເຊັ່ນວ່າ: ອີເມລ, ການສົ່ງຂໍ້ຄວາມ ແລະ ຈັດຕັ້ງປະຕິບັດລະບົບໂອນຖ່າຍຂໍ້ມູນໄຮສາຍ ຕໍ່ຈາກນັ້ນກໍມີ ໄມເຄີລ ບາລສຕິນ ໝູ່ທີ່ຮຽນນຳກັນເຂົ້າມາຮ່ວມງານ. 1986 ພວກລາວໄດ້ຮັບລາງວັນ ການສ້າງລະບົບ RIM ໃນມູນຄ່າ 6 ແສນໂດລາສະຫະລັດຈາກ :GENERAL MOTORS ທັງທີ່ພວກເຂົ້າຍັງເປັນນັກຮຽນຢູ່.
ໃນປີ 1992 ໄມຄ ລາຊາຣິດີສ ກໍໄດ້ສົມທົບກັບ Jim
Balsillie ໃນການເປັນ ຊີອີໂອຮ່ວມປະສົມປະສານລະຫວ່າງວິໄສທັດທາງເທັກນິກ ຂອງ ລາຊາຣິດີສ ແລະ ຄວາມສຽບແຫຼມທາງດ້ານທຸລກິດຂອງ Balsillie,
ໄດ້ເບິ່ງເຫັນ RIM ຂະຫຍາຍຈາບໍລິສັດຂະໜາດນ້ອຍທີ່ມີພະນັກງານພຽງ 10 ຄົນໃນປີ 1992 ຫາ ທ້າຍປີ 2007 ໄດ້ບັນລຸເກີນຄາດໝາຍໂດຍສະເລ່ຍມູນຄ່າ 68 ຕື້ ໂດລາ. ອຸດສາຫະກຳນັບມື້ນັບກ້າວໄປໜ້າເລື້ອຍໆໂດຍການນຳຂອງ APPLE ແລະ iPhone ແລະ ໃນຕອນນັ້ນຍອດຂາຍ RIM ກໍຍັງຄົງເຕີບໂຕເກືອບເຖິງ 20 ຕື້ໂດລາ ໃນລະຫວ່າງສົກປີງົບປະມານ 2011.
ການຈະເລີນເຕີບໂຕຂອງ RIM ເລີ່ມຊ້າລົງ ຍອດຜູ້ບໍລິໂພກໃນຕະຫຼາດໃນ ຄານາດາ ເລີ່ມຫຼຸດລົງ ເກືອບ 60% ຂອງຍອດຂາຍມາຈາກປະເທດອື່ນ, ເຊິ່ງກົງກັນຂ້າມ ໄອໂຟນ ແລະ ແອນດຣອຍ ໄດ້ກາຍເປັນທີ່ນິຍົມຍິ່ງຂຶ້ນ. ການປ່ຽນແປງຂອງຕະຫຼາດເຮັດໃຫ້ RIM ຕ້ອງປະເຊີນກັບບັນຫາໜັກ ເຖິງແມ່ນວ່າຈະມີການປະກາດບັນທັດໃໝ່ຂອງ "superphones"
ໃນປີ 2012, RIM ກໍຍັງມີຄວາມຊ່ຽງຕໍ່ກັບການຫຼຸດລົງຂອງຜູ້ຖືຫຸ້ນເກືອບ 55% ໃນປີຜ່ານມາ ທັງນີ້ຜູ້ຖືຫຸ້ນຮຽກຮ້ອງໃຫ້ມີການປ່ຽນແປງໂດຍສະເພາະແມ່ນໃນການນຳຂອງບໍລິສັດ.
ຫຼັງຈາກຫຼາຍເດືອນແຫ່ງການກົດດັນ ໃນວັນທີ 22 ມັງກອນ 2012 ບໍລິຫານໄດ້ປະກາດສູ່ມະຫາຊົນໃນການປ່ຽນແທນຕຳແໜ່ງປະທານຮ່ວມຂອງ Lazaridis
ແລະ
Balsillie
ໃຫ້ເປັນພຽງສະມາຊິກຄະນະກຳມະການ ໂດຍແຕ່ງຕັ້ງ ທ່ານ ທໍເຊີນ ຮິນສ (Thorsten Heins) ປະທານເຈົ້າໜ້າທີ່ຝ່າຍປະຕິບັດການຂຶ້ນບໍລິຫານແທນ ຈົນມາຮອດວັນທີ 29 ເດືອນ ມີນາ 2012 Balsillie ໄດ້ລາອອກ.
ຄວາມສຳເລັດຂອງ RIM ເຮັດຄູ່ຜົວເມຍໄດ້ບໍລິຈາກສ້າງຕັ້ງ ສະຖາບັນ ທິດສະດີ ຟິຊິກ, ການບໍລິຈາກປີ 2004 ທີ່ ມະຫາວິທະຍາໄລ ວໍເຕີລູ ເພື່ອຊ່ວຍສ້າງສະຖານບັນ ຄວນຕຳ ຄອມພິວເຕີ ແລະ ໃນປີ 2005 ກໍໄດ້ບໍລິຈາກໃຫ້ທາງມະຫາວິທະຍາໄລຕື່ມອີກສ່ວນໃຫຍ່ແມ່ນການສະໜັບສະໜູນທາງສະຖາບັນ ແລະ ຫຼັກສູດວິສາວະກຳ.
ໄມຄ ລາຊາຣິດີສ ເປັນຜູ້ສະໜັບສະໜູນທີ່ກະຕືລືລົ້ນສຳລັບການສຶກສາທີ່ສູງຂຶ້ນ ແລະ ການວິໄຈທາງວິທະຍາສາດ ລາວເປັນສະມາຊິກຂອງວິທະຍາສາດທຳມະຊາດ ແລະ ເປັນຄະນະກຳມະການ ວິສະວະກຳດ້ານການວິໄຈ ຂອງ ການາດາ
(NSERC),
ເປັນປະທານຜູ້ຄວບຄຸມສະມາຄົມຂໍ້ມູນຂ່າວສານ ເທັກໂນໂລຊີ ຂອງການາດາ ແລະ ເປັນສະມາຊິກຄະນະກຳມະການຂອງມະຫາວິທະຍາໄລ ວໍເຕີວູ. ປີ 2003 ລາວໄດ້ຮັບການແຕ່ງຕັ້ງເປັນອະທິການບໍດີຂອງມະຫາວິທະຍາໄລ ວໍເຕີວູ.
ຕັ້ງແຕ່ RIM ກໍ່ຕັ້ງ ລາຊາຣິດີສ ໄດ້ຈົດທະບຽນສິດທິບັດຈຳນວນມະຫາສານ ແລະ ກໍໄດ້ຮັບລາງວັນດ້ານ ນະວັດຕະກໍເທັກໂນໂລຊີໄຮ້ສາຍ ແລະ ຊອບແວຕ່າງໆ ບວກກັບການບໍລິຈາກຕ່າງໆເຊັ່ນດຽວກັນ. ປີ 1999 ທ່ານ ໄດ້ຮັບລາວັນ ອອສກາ ໂດຍຜົນງານການປະດິດເຄື່ອງອ່ານບາໂຄ້ດແບບດີຈິຕອລ ສຳລັບການແກ້ໄຂຮູບເງົາ. ປີ 2000 ທ່ານ ໄດ້ຮັບລາງວັນກິດຕິມະສັກ ຈາກມະຫາວິທະຍາໄລ ວໍເຕີວູ ແລະ ໄດ້ McMaster University ໃນປີ 2005
ແລະ
ລາງວັນຕ່າງໆອີກຫຼາຍໆຢ່າງ.
ไม่มีความคิดเห็น:
แสดงความคิดเห็น