ຄວາມທ້າທາຍໄມໂຄຣຊອບຫລັງຊື້ໂນເກຍ
ຄວາມທ້າທາຍໄມໂຄຣຊອບຫລັງຊື້ໂນເກຍກວ່າ
5,400 ລ້ານເອີໂຣ
ຫລັງຈາກໄມໂຄຣຊອບຕົກລົງທີ່ຈະລົງທຶນກວ່າ 5,400
ລ້ານເອີໂຣ
ເພື່ອຊື້ກິດຈະການໂທລະສັບມືຖືຂອງໂນເກຍ ໄດ້ມີການວິເຄາະກັນຫລາຍວ່າ ບໍ່ມີໃຜປະຕິເສດວ່າສະຖານະການຂອງໂນເກຍໃນມື້ນີ້ "ຢູ່ຍາກ" ຈາກການແຂ່ງຂັນທີ່ດຸເດືອດກັບຄູ່ແຂ່ງ
ຢ່າງຊຳຊຸງ ແລະ ແອບເປິ້ລ ໃນຂະນະດຽວກັນ ໄມໂຄຣຊອບກໍ່ຖືກວິພາກວິຈານວ່າເຂ້ົາສູ່ທຸລະກິດໂທລະສັບມືຖືຊ້າຈົນເກີນໄປ ພາຍໃຕ້ການຄວບລວມກິດຈະການທີ່ເກີດຂຶ້ນນີ້ ນັກວິເຄາະທົ່ວໂລກຕ່າງບອກເປັນສຽງດຽວກັນວ່າເປັນ "deal ຍັກແຫ່ງອານາຄົດ" ໂດຍ ສະຕີບ ບອລເມີ ຫົວຫນ້າຄະນະເຈ້ົາຫນ້າທີ່ບໍລິຫານ (ຊີອີໂອ) ຂອງໄມໂຄຣຊອບ ໃຫ້ສຳພາດວ່າບໍລິສັດກຳລັງຢູ່ໃນໄລຍະເວລາປ່ຽນຜ່ານ ຈາກຜູ້ຊ່ຽວຊານໃນດ້ານຊອບແວ ແລະ ຄອມພິວເຕີສ່ວນບຸກຄົນ (ພີຊີ) ມາເປັນບໍລິສັດແຫ່ງນະວັດຕະກຳ ຫມຸ່ງຜະລິດອຸປະກອນໄຮເທັກ ແລະ ເປັນຜູ້ໃຫ້ບໍລິການຕ່າງໆ ທີ່ທັນສະໄຫມ ແລະ ຄົບວົງຈອນ ບອລເມີກ່າວວ່າ 2 ປີເຄິ່ງທີ່ຜ່ານມາທີ່ເຮັດວຽກຮ່ວມກັບໂນເກຍ ເລີ່ມຕ້ົນຈາກການບໍ່ຮູ້ຫຍັງໃນທຸລະກິດໂທລະສັບມືຖືເລີຍ ຈົນກະທັ່ງມື້ນີ້ມີໂທລະສັບທີ່ໃຊ້ລະບົບປະຕິບັດການວິນໂດໂຟນ ແລ້ວຫລາຍກວ່າ 7.4 ລ້ານເຄື່ອງ ຢ່າງໃດກໍ່ຕາມ ເຂົາຍອມຮັບວ່າ ຍັງຄົງມີງານຕ້ອງເຮັດອີກຫລາຍ
ໂດຍສະເພາະເລື່ອງການຂະຫຍາຍຂອບຂ່າຍແອັບພິເຄຊັ່ນທີ່ຈະນຳມາໃຊ້ກັບລະບົບໂທລະສັບວິນໂດ ໂຟນ ເຖິງໄມໂຄຣຊອບຈະເປັນແບນຍິ່ງໃຫຍ່ໃນໂລກເທັກໂນໂລຊີ
ແຕ່ກໍ່ກຳລັງພົບກັບອຸປະສັກໃຫຍ່ໃນເລື່ອງພຶດຕິກຳຂອງຜູ້ບໍລິໂພກທົ່ວໂລກທີ່ປ່ຽນແປງໄປ ຈາກການໃຊ້ຄອມພິວເຕີພີຊີ ແລະ ແລັບທອບ ມາເປັນການໃຊ້ໂທລະສັບສະມາດໂຟນ ແລະ ແທັບເລັດ ນັກວິເຄາະກ່າວວ່າ
ໄມໂຄຣຊອບຂະຍັບຕົວຊ້າຈົນເກີນໄປ ໃນຂະນະທີ່ກະແສການບໍລິໂພກໃນຕະຫລາດແລ່ນແຊງໄປຂ້າງຫນ້າຫລາຍຊ່ວງຕົວແລ້ວ ໄມໂຄຣຊອບເປີດຕົວເຊີເຟສ ແທັບເລັດ
ເມື່ອປີທີ່ຜ່ານມາ ແຕ່ຍອດຂາຍກໍ່ບໍ່ໄດ້ສວຍງາມຢ່າງທີ່ຕັ້ງເປ້ົາຫມາຍເອົາໄວ້ ຫລາຍຄົນບອກວ່າ ຜູ້ບໍລິຫານໄມໂຄຣຊອບເອງກໍ່ຕ້ອງການຄວາມແນ່ໃຈວ່າຕະຫລາດໂທລະສັບມືຖື ແມ່ນຫຍັງ ສຳລັບແບນນີ້ ຜູ້ອຳນວຍການບໍລິສັດທີ່ປຶກສາ ຟຣອສ ແອນ ຊັລລິແວນ ກ່າວວ່າ ທຸລະກິດໂທລະສັບມືຖືເປັນທຸລະກິດທີ່ມີສັກກາຍະພາບຫລາຍ ແຕ່ກໍ່ເປັນຈຸດອ່ອນທີ່ສຸດຂອງໄມໂຄຣຊອບ ມື້ນີ້ເປ້ົາຫມາຍຫລັກຂອງໄມໂຄຣຊອບຄືຕ້ອງພິສູດໃຫ້ໄດ້ວ່າ ການກ້າວເຂ້ົາສູ່ທຸລະກິດໂທລະສັບມືຖືເປັນເລື່ອງທີ່ຖືກຕ້ອງ
ດັ່ງນັ້ນ ການຄວບລວມກິດຈະການທີ່ເກີດຂຶ້ນນີ້ຖືເປັນ deal ທີ່ເພີເຟັກ ແຕ່ຄວາມທ້າທາຍທີ່ລໍຢູ່ຂ້າງຫນ້າ ສຳລັບໄມໂຄຣຊອບ
ແລະ ໂນເກຍຄື ກົນລະຍຸດ ແລະ ແຜນການເຮັດວຽກຂອງສອງແບນທີ່ຈະຕ້ອງລວມເປັນອັນຫນຶ່ງອັນດຽວກັນ
ທະນາຄານຂອງອະເມຣິກາ ຂາຍຮຸ້ນໃນທະນາຄານຈີນ
"ທະນາຄານຂອງ
ອະເມຣິກາ" ຖະແຫລງວ່າບໍລິສັດໄດ້ຕົກລົງຂາຍຮຸ້ນໃນທະນາຄານໄຊນາ ຄອນສະຕັກຊັ່ນ ຫລື ຊີຊີບີຄືນໃຫ້ກັບທະນາຄານຈີນ ທະນາຄານຂອງ ອະເມຣິກາ ລະບຸວ່າ ຈະຂານຮຸ້ນປະມານ 2 ພັນລ້ານຮຸ້ນ ຫລື
ປະມານ 1% ຂອງຮຸ້ນທີ່ຖືຢູ່ໃນຊີຊີບີ ທະນາຄານໃຫຍ່ອັນດັບສອງຂອງຈີນ ຖະແຫລງການດັ່ງກ່າວບໍ່ໄດ້ລະບຸລາຍລະອຽດມູນຄ່າການຊື້ຂາຍ ແຕ່ມີລາຍງານວ່າລາຄາອາດຈະຢູ່ລະຫວ່າງ 5.63-5.81 ໂດລາຮົງກົງຕ່ໍຮຸ້ນ ຫລື ປະມານຮຸ້ນລະ 22-22.50 ບາດ ເຊິ່ງມູນຄ່າການຂາຍນ້າຈະຢູ່ລະຫວ່າງ 4.35 - 4.5 ຫມື່ນລ້ານບາດ
ທະນາຄານຂອງ ອະເມຣິກາ ກ່າວດ້ວຍວ່າ ຍຸດທະສາດຂ້ໍຕົກລົງຄວາມຊ່ວຍເຫລືອລະຫວ່າງທະນາຄານ ຂອງ ອະເມຣິກາ ກັບຊີຊີບີ ເຊິ່ງຫາກໍ່ຂະຫຍາຍຕົວເມື່ອໄວໆນີ້ເຖິງປີ 2559 ຈະດຳເນີນຕ່ໍໄປ ຫົວຫນ້າຄະນະເຈ້ົາຫນ້າທີ່ບໍລິຫານ ຫລື
ຊີອີໂອຂອງທະນາຄານຂອງ ອະເມຣິກາ "ທ່ານ ໄບຣອັນ ມອຍນິອັນ" ກ່າວວ່າ ຄວາມສຳພັນລະຫວ່າງທະນາຄານທັງສອງຈະນຳມາເຊິ່ງຜົນປະໂຫຍດສຳຄັນແກ່ທັງສອງຝ່າຍ ການສ້າງຄວາມເປັນຫຸ້ນສ່ວນທາງຍຸດທະສາດບົນພື້ນຖານຄວາມຊ່ຽວຊານໃນການດຳເນີນງານຮ່ວມກັນ ລູກຄ້າຂອງທະນາຄານທັງໃນຈີນ ແລະ ອາຊີລະນຶກໄດ້ເຖິງຄວາມກ່ຽວຂ້ອງຢ່າງຕ່ໍເນື່ອງຂອງທະນາຄານຂອງ ອະເມຣິກາ
ກັບສະຖາບັນການເງິນຊັ້ນນຳແຫ່ງຫນຶ່ງຂອງໂລກ ກ່ອນຫນ້ານີ້ ທະນາຄານຂອງ ອະເມຣິກາຈ່າຍເງິນ 3 ພັນລ້ານໂດລາຊື້ຮຸ້ນ 10%
ໃນຊີຊີບີໃນປີ 2548 ແຕ່ຂາຍຫຸ້ນສ່ວນໃຫຍ່ໄປເມື່ອສອງປີຜ່ານມາ ເພື່ອເພີ່ມທຶນ ແລະ ກຳຈັດສິນຊັບທີ່ບໍ່ກ່ໍໃຫ້ເກີດລາຍໄດ້ ຖະແຫລງການດັ່ງກ່າວເກີດຂຶ້ນຫລັງຈາກຊີຊີບີລາຍງານວ່າ ຜົນປະກອບການສຸດທິເຄິ່ງປີທຳອິດເພີ່ມຂຶ້ນ 13%
ເນື່ອງຈາກລາຍໄດ້ຈາກດອກເບ້ຍ ແລະ ຄ່າບໍລິການເພິີ່ມສູງຂຶ້ນ ທະນາຄານຂອງ ອາເມຣິກາ ຄາດວ່າການຂາຍຮຸ້ນຈະສ້າງລາຍໄດ້ກ່ອນຫັກພາສີປະມານ 750 ລ້ານໂດລາໃນໄຕມາດສາມ ສ່ວນລາຍງານຂອງຊີຊີບີຊ່ວຍດັນລາຄາຮຸ້ນທະນາຄານຂອງ ອະເມຣິກາຂຶ້ນ 0.9% ປິດທີ່ 14.25 ໂດລາໃນການຊື້ຂາຍເມື່ອວານນີ້
'ໂກດັກ'ພ້ົນພາວະລ້ົມລະລາຍ
"ໂກດັກ" ປະກາດວ່າບໍລິສັດໄດ້ພ້ົນຈາກພາວະລ້ົມລະລາຍແລ້ວ ແລະ ກຽມຈະຫັນມາຫມຸ່ງເລື່ອງເທັກໂນໂລຊີການຖ່າຍຮູບສຳລັບທຸລະກິດ ໃນໄລຍະທີ່ມີການປັບໂຄງສ້າງເພື່ອຟື້ນຟູກິດຈະການເປັນເວລາ 20
ເດືອນ ໂກດັກໄດ້ຂາຍກິດຈະການຫລັກຂອງຕົວເອງໄປຫລາຍປະເພດເພື່ອລ້າງຫນີ້ ເຊິ່ງລວມເຖິງການຜະລິດຟິມຂາຍຍ່ອຍ ເຈ້ຍອັດຮູບ ແລະ ຮ້ານຖ່າຍຮູບຂະຫນາດນ້ອຍອີກກວ່າ 105,000 ແຫ່ງທົ່ວໂລກ ການຟື້ນກິດຈະການຄັ້ງນີ້ຂອງບໍລິສັດໂກດັກ ນັບເປັນປາກົດການຫນ້າໃຫມ່ສຳລັບບໍລິສັດທີ່ເຄີຍເປັນຍັກໃຫຍ່ດ້ານການຖ່າຍຮູບຖ່າຍໃນສະຕະວັດທີ່ 20 ແຕ່ຕ້ອງປະສົບບັນຫາຂາດທຶນຢ່າງຫນັກເມື່ອເຂ້ົາສູ່ຍຸກກ້ອງດິຈິທັດ
ຫົວຫນ້າຄະນະເຈ້ົາຫນ້າທີ່ບໍລິຫານ ຫລື
ຊີອີໂອຂອງໂກດັກ "ທ່ານ ອັນໂຕນິໂອ ເປເຣຊ" ເປີດເຜີຍວ່າ ໂກດັກໄດ້ປັບປ່ຽນມາເປັນບໍລິສັດເທັກໂນໂລຊີທີ່ເນ້ັນໃຫ້ບໍລິການຮູບຖ່າຍແກ່ຕະຫລາດທຸລະກິດປະກອບດ້ວຍການທຳບັນຈຸພັນ ການພິມເພື່ອການໃຊ້ງານ
ການສື່ສານກຣາບຟິກ ແລະ ການໃຫ້ບໍລິການແບບມືອາຊີບ ດ້ານໂຄສົກຂອງໂກດັກກ່າວວ່າ
ໃນປັດຈຸບັນ ບໍລິສັດໂກດັກທີ່ຫາກໍ່ປັບໂຄງສ້າງໃຫມ່ມີພະນັກງານຢູ່ປະມານ 8,500 ຄົນ ຫລຸດລົງຈາກ
120,000 ຄົນເມື່ອປີ 2516 ມີສູນຜະລິດ ແລະ ເທັກໂນໂລຊີໃນ 10 ປະເທດ ອີກທັງຍັງຂາຍຜະລິດຕະພັນຂອງຕົນໃນກວ່າ 130
ປະເທດທົ່ວໂລກ ໂກດັກລະບຸວ່າ ບໍລິສັດໄດ້ຂາຍທຸລະກິດຮູບຖ່າຍບຸກຄົນ ແລະ ຮູບເອກະສານໃຫ້ກັບກອງທຶນບຳນານໂກດັກອັງກິດ ເຊິ່ງເປັນເຈ້ົາຫນີ້ລາຍໃຫຍ່ສຸດຂອງບໍລິສັດ ທັງນີ້ ໂກດັກໄດ້ຢື່ນເລື່ອງຂໍພິທັກຊັບຈາກເຈ້ົາຫນີ້ເມື່ອເດືອນມັງກອນ 2555 ຫລັງຈາກທີ່ກ່ໍຕັ້ງມາ 131 ປີ ເນື່ອງຈາກບໍລິສັດຕ້ອງຕົກເປັນຝ່າຍໄລ່ຕາມຄູ່ແຂ່ງທີ່ເຮັດທຸລະກິດຮູບຖ່າຍດິຈິທັດ
ນິວຄອບຂາຍຫນັງສືພິມທ້ອງຖິ່ນ 30 ສະບັບ
ນິວຄອບ ກຸ່ມສິ່ງພິມຂອງທ່ານ ຣູເພີດ ເມີດອກ ກ່າວວ່າຈະຂາຍສິ່ງພິມທ້ອງຖິ່ນ
33
ສະບັບໃຫ້ກຸ່ມພາຍໃຕ້ການນຳຂອງຟໍເທຣສ ອິນເວສເມນ ກຣຸ໊ບ ການຂາຍຄັ້ງນີ້ລວມເຖິງຫນັງສືພິມລາຍວັນ 8 ສະບັບແລະ ຫນັງສືພິມລາຍສັບປະດາ 15 ສະບັບ ເຊິ່ງສິ່ງພິມດັ່ງກ່າວຢູ່ໃນເຄືອກຸ່ມບໍລິສັດ "ດາວ ໂຈນສ໌ ໂລຄັລ ມີເດຍ ກຣຸ໊ບ" ຫົວຫນ້າຄະນະບໍລິຫານຂອງນິວ ຄອບ ທ່ານ ໂຣເບີດ ທອມສັນເຜີຍວ່າ ຫນັງສືພິມເຫລ່ົານີ້ມີບໍລິການທີ່ແຂງແກນທີ່ສືບຕ່ໍກັນມານານໃນຊຸມຊົນ ລວມເຖິງມີພະນັກງານທີ່ມີຄວາມສາມາດສູງ
ເຊິ່ງທາງນິວຄອບ ຫມັ້ນໃຈວ່າ ຫນັງສືພິມຈະມີກິດຈະການຮຸ່ງເຮືອງພາຍໃຕ້ເຈ້ົາຂອງກິດຈະການຄົນໃຫມ່ ຢ່າງໃດກໍ່ຕາມ ສິ່ງພິມເຫລ່ົານີ້ບໍ່ມີຄວາມສອດຄອງທາງກົນລະຍຸດກັບພອດການລົງທຶນຂອງນິວຄອບ ຫນັງສືພິມທີ່ຖູກຂາຍອອກໄປມີເຊ່ັນ "ໄທມ ເອຣັລດ
ເຣຄຄອດ"
ໃນ ນິວຢອກ "ເຄບ ຄອດ ໄທມ" ໃນແມສຊາຊູແຊທ "ເດີ ເຣຄຄອດ" ໃນແຄລິຟໍເນຍ ແລະ "ເດີເມລລ໌ ທຣິບູນ" ໃນໂອເຣກອນ ຫນັງສືພິມເຫລ່ົານີ້ຈະຖືກຮວມກິດຈະການເຂ້ົາໄປຢູ່ໃນບໍລິສັດ "ເກທເອາ ມີເດຍ" ເຊິ່ງເປັນຫນຶ່ງໃນບໍລິສັດຜູ້ຜະລິດສິ່ງພິມລາຍໃຫຍ່ທີ່ສຸດທີ່ມີຖານການພິມໃນທ້ອງຖິ່ນ ແລະ ສື່ອອນໄລໃນສະຫະລັດ ທັງນີ້ ບໍ່ມີການເປີດເຜີຍເງື່ອນໄຂໃນການຂາຍກິດຈະການແຕ່ຢ່າງໃດ ທຸລະກິດໃນເຄືອນິວຄອບ ລວມເຖິງຫນັງສືພິມຊື່ດັງຢ່າງວອລລ໌ສຕຣີທເຈີນັລ ແລະນິວຢອກໄທມໃນສະຫະລັດ ຊັນເດຍໄທມ໌
ແລະ ເດີຊັນໃນອັງກິດ ລວມເຖິງອໍສະເຕຍເລຍ ທັງຍັງລວມເຖິງສຳນັກຂ່າວດາວໂຈນ, ຟອກ ສປອດ ອໍສະເຕຍເລຍ ແລະ ບໍລິສັດສິ່ງພິມອາເປີຄອລລິນ
ໂວດາໂຟນຂາຍຮຸ້ນກິດຈະການຮ່ວມທຶນໃຫ້ເວີໄຣຊອນ
ໂວດາໂຟນ ຍັກໃຫຍ່ໂທລະຄົມມະນາຄົມອັງກິດ ຕົກລົງຈະຂາຍຮຸ້ນໃນບໍລິສັດຮ່ວມທຶນໃນສະຫະລັດ
ໃຫ້ແກ່ບໍລິສັດເວີໄຣຊອນ ມູນຄ່າ 1.3 ແສນລ້ານໂດລາ ໂວດາໂຟນຢືນຢັນວ່າກຳລັງເຈລະຈາຢ່າງມີຄວາມຄືບຫນ້າກັບເວີໄຣຊອນ ຄອມມູນິເຄຊັນ ກ່ຽວກັບການຂາຍຮຸ້ນຂອງໂວດາໂຟນໃນສະຫະລັດ ແຕ່ບໍ່ໄດ້ຢືນຢັນຕາມຂ່າວທີ່ວ່າໃກ້ມີການບັນລຸຂ້ໍຕົກລົງ ຖະແຫລງການຂອງບໍລິສັດເຕືອນວ່າຍັງບໍ່ມີຄວາມແນ່ນອນວ່າຈະມີການບັນລຸຂ້ໍຕົກລົງ ແຕ່ຄາດວ່າຈະມີການຖະແຫລງອີກຄັ້ງໃນໄວໆນີ້ ຫນັງສືພິມໄຟແນນເຊວໄທມລາຍງານວ່າບອດບໍລິຫານຂອງເວີໄຣຊອນປະຊຸມກັນໃນວັນຈັນ ເພື່ອສະຫລຸບເງື່ອນໄຂສຸດທ້າຍຂອງຂ້ໍຕົກລົງທີ່ໂວດາໂຟນຈະຂາຍຮຸ້ນ 45% ໃນເວີໄຣຊອນ ໄວຣ໌ເລສ ເຮັດໃຫ້ບໍລິສັດຜູ້ໃຫ້ບໍລິການໂທລະສັບພື້ນຖານຂອງສະຫະລັດຄົນນີ້ໄດ້ເປັນເຈ້ົາຂອງເວີໄຣຊອນ ໄວຣ໌ເລສເຕັມຕົວ
ຫລັງຈາກຖືຮຸ້ນຮ່ວມກັບໂວດາໂຟນມາ 13 ປີ ຂ່າວລະບຸວ່າບອດຂອງໂວດາໂຟນໄດ້ປະຊຸມກັນໄປແລ້ວ ແລະ
ອະນຸມັດຂ້ໍຕົກລົງແລ້ວດ້ວຍ ໂດຍແບ່ງເປັນຮຸ້ນສາມັນ
ແລະ ເງິນສົດຂອງເວີໄຣຊອນ ດ້ານຫນັງສືພິມເດີກາດຽນລາຍງານວ່າຮຸ້ນກັບເງິນສົດຈະເທ່ົາກັນຄື 50-50 ຫນັງສືພິມວອລສະຕຣີທເຈີນັລ ຮຽກຂ້ໍຕົກລົງນີ້ວ່າເປັນການເຂ້ົາຖືຄອງທີ່ສຳຄັນຫລາຍເປັນອັນດັບ 2 ຮອງຈາກການທີ່ໂວດາໂຟນເຂ້ົາຖືຄອງມານເນສມານເມື່ອປີ 2542 ເປັນມູນຄ່າ 203,000 ລ້ານໂດລາ ເວີໄຣຊອນ ໄວຣ໌ເລສ ກ່ໍຕັ້ງເມື່ອປີ 2543 ແລະ ດຳເນີນງານໃຫ້ບໍລິການໂທລະສັບກວ່າ
100 ລ້ານສາຍ ດ້ວຍຈຳນວນພະນັກງານ 73,400 ຄົນ ບໍລິສັດມີສຳນັກງານໃຫຍ່ໃນເມືອງບາສກິງຣິດ
ມີລາຍໄດ້ 75,900 ລ້ານໂດລາເມື່ອປີທີ່ຜ່ານມາ ເວີໄຣຊອນພະຍາຍາມເຂ້ົາຖືຄອງບໍລິສັດຮ່ວມທຶນແຫ່ງນີ້ມາຫລາຍປີແລ້ວ ແຕ່ການເຈລະຈາມີອຸປະສັກເລື່ອງລາຄາຂາຍ ໂດຍເວີໄຣຊອນຫວັງຈະຈ່າຍເງິນ 100,000 ລ້ານໂດລາສຳລັບຮຸ້ນຂອງໂວດາໂຟນ ຂ້ໍຕົກລົງນີ້ຈະຊ່ວຍໃຫ້ໂວດາໂຟນຊຳລະຫນີ້ໄດ້ ຫລັງຈາກບໍລິສັດຊອກຫາທາງປັບປຸງກິດຈະການຈາກການຂາດທຶນຫນັກ ອີກທັງຍັງເປີດທາງໃຫ້ບໍລິສັດຊອກຫາການເຂ້ົາຖືຄອງກິດຈະການ ແລະ ຈ່າຍເງິນໃຫ້ແກ່ຜູ້ຖືຮຸ້ນ
ไม่มีความคิดเห็น:
แสดงความคิดเห็น