ການອ່ານໜັງສື ນອກຈາກຈະຊ່ວຍເພີ່ມພູນຄວາມຮູ້ໃຫ້ແກ່ຜູ້ອ່ານແລ້ວ
ການອ່ານໜັງສືຍັງປະກອບໄປດ້ວຍປະໂຫຍດອີກຫຼາກຫຼາຍປະການເຊັ່ນ: ຊ່ວຍເພີ່ມສັກກະຍະພາບໃນການຂຽນ,
ການຄິດ ແລະ ການວິເຄາະ ລວມເຖິງທັກສະທາງດ້ານຄວາມຈຳ, ການຮຽນຮູ້ຄຳສັບຕ່າງໆ ເປັນຕົ້ນ
ຢ່າງໃດກໍ່ດີ
ຈາກຕິພຶດຕິກຳການອ່ານໜັງສືເຫັນວ່າ ຄົນລາວໃຫ້ຄວາມສຳຄັນກັບການອ່ານໜັງສືນ້ອຍຫຼາຍໂດຍຄົນລາວອ່ານໜັງສືໂດຍສະເລ່ຍພຽງ ບໍ່ເຖິງ 2 ເຫຼັ້ມຕໍ່ປີເທົ່ານັນ ເຊິ່ງແຕກຕ່າງຈາກປະເທດສິ່ງກະໂປທີ່ໃຫ້ຄວາມສຳຄັນກັບການອ່ານໜັງສືຫຼາຍເພາະປະຊາກອນສິ່ງກະໂປອ່ານໜັງສືໂດຍສະເລ່ຍເປັນ
50-60 ເຫຼັ້ມຕໍ່ປີ ຄຳຖາມທີ່ຫນ້າສົນໃຈຄື
ເຫດໃດຄົນສິ່ງກະໂປຈຶ່ງອ່ານໜັງສືຫຼາຍກວ່າຄົນໄທເປັນ 20
ເທົ່າ?
ບົດຄວາມແບບນີ້ຈະກ່າວເຖິງປັດໄຈສຳຄັນ
3 ປະການທີ່ຊ່ວຍສົ່ງເສີມໃຫ້ຄົນສິ່ງກະໂປມີຄ່ານິຍົມ ແລະ ໃຫ້ຄວາມສຳຄັນໃນການອ່ານໜັງສືຫຼາຍ
1,ການສົ່ງເສີມຄ່ານິຍົມຮັກການອ່ານຂອງປະເທດຢ່າງເປັນລະບົບ ປັດໄຈທີ່ເຮັດໃຫ້ສິ່ງກະໂປປະສົບຄວາມສຳເລັດໃນການພັດທະນາຄົນໃນປະເທດໃຫ້ຮັກການອ່ານໜັງສືຄື ການມີຍຸດທະສາດສົ່ງເສີມການອ່ານຢ່າງເປັນລະບົບ ແລະ ມີປະສິດຕິພາບ ໂດຍນະໂຍບາຍທີ່ສິ່ງກະໂປໃຫ້ຄວາມສຳຄັນຫຼາຍຄືການສົ່ງເສີມຄ່ານິຍົມຮັກການອ່ານໃນໄວເດັກ ເພາະໄວເດັກເປັນໄວທີ່ສາມາດປູກຝັ່ງຄ່ານິຍົມຮັກການອ່ານໄດ້ດີທີ່ສຸດ ໂດຍເນັ້ນໃຫ້ພໍ່ແມ່ອ່ານໜັງສື
ແລະ ເຮັດກິດຈະກຳຮ່ວມກັບລູກເປັນຫຼັກ ຫ້ອງສະໝຸດສິງກະໂປຍັງມີສືການຮຽນຮູ້ທີ່ຫນ້າສົນໃຈ
ມີມາດຖານລະດັບສາກົນ ແລະ ເໝາະແກ່ການພັດທະນາການອ່ານໃນໄວເດັກ ນອກຈາກນີ້ຍັງມີກິດຈະກຳພິເສດອີກຢ່າງຫຼວງຫຼາຍເຊັ່ນ: ການຈັດອົບຮົມໂຄງການສ້າງນັກອ່ານ (Raise-A-Reader) ໃຫ້ກັບຄູ, ພໍ່ແມ່ ແລະ ລູກຫຼານອາຍຸລະຫວ່າງ 0-9 ປີ ກິດຈະກິດການສົ່ງເສີມການເລົ່ານິທານ ແລະ ກິດຈະກຳພິເສດຢ່າງຫຼວງຫຼາຍໄລຍະວັນພັກລັດຖະການ ຫຼື ຈະເປັນໂຄງການກິດຈະກຳການອ່ານໜັງສືໄວເດັກ (Junior
Reading Ambassador) ເຊິ່ງຖືເປັນໂຄງການທີ່ເນັ້ນໃຫ້ການອ່ານປຽບເໝືອນກິດຈະກຳຍາມວາງທີ່ມ່ວນຊື່ນ ແລະ ມີຄຸນຄ່າ ເພີ່ມຄວາມໝັ້ນໃຈ ແລະ ຄວາມເປັນຜູ້ນຳໃນໄວເດັກອີກດ້ວຍ ແລະ ທີ່ສຳຄັນໂຄງການນີ້ຍັງເປັນການເຮັດວຽກຮ່ວມກັນລະຫວ່າງ ຫໍສະໝຸດແຫ່ງຊາດກັບໂຮງຮຽນຕ່າງໆ ພາຍໃນປະເທດຢ່າງມີປະສິດຕິພາບ ນອກເໜືອຈາກການສົ່ງເສີມການອ່ານໃນໄວເດັກ ປະເທດສິ່ງກະໂປຍັງສົ່ງເສີມການອ່ານຂອງເຍົາວະຊົນ ແລະ ໄວອື່ນໆ ຜ່ານຫຼາຍໂຄງການເຊັ່ນ: ໂຄງການ Read Singapore ທີ່ມີການເຮັດຫ້ອງສະໝຸດເຄື່ອນທີ່ (Pop-up
library) ໃນພື້ນທີ່ຕ່າງໆ ເພື່ອເຮັດໃຫ້ທຸກຄົນ ທຸກອາຊີບ ທຸກໄລຍະອາຍຸໃນປະເທດເຂົ້າເຖິງໜັງສືທີ່ນ້າສົນໃຈ ນອກຈາກນີ້ຍັງມີທີມສົ່ງເສີມໃຫ້ເກີດສະໂມສອນນັກອ່ານ (Book
club) ທີ່ຈັດກິດຈະກຳທັງໃນພາສາຈີນ, ພາສາມາເລ ແລະ ພາສາທະມິ (ສຳລັບຄົນສອນເດຍບາງສ່ວນ) ລວມແລ້ວຫຼາຍກວ່າ 100 ແຫ່ງທົ່ວສິ່ງກະໂປ ທັງໃນຊົມຊົນ ໃນອົງກອນພາກລັດ ແລະ ອົງກອນພາກທຸລະກິດ ລວມທັງຊ່ວຍຈັດຝຶກອົບຮົມໃຫ້ເປັນຜູ້ອຳນວຍການຊົມຊົນ (Facilitator)
ໃນສະໂມສອນນັກອ່ານໄດ້ຢ່າງມີປສິດຕິພາບເປັນຕົ້ນ
2, ລະບົບການສຶກສາ ແລະ ແຫຼ່ງການຮຽນຮູ້ທີ່ມີຄຸນນະພາບ
ການທີ່ປະເທດສິ່ງກະໂປມີວິໄສທັດ ແລະ ໃຫ້ຄວາມສຳຄັນໃນການພັດທະນາຊັບພະຍາກອນມະນຸດ
ເຮັດໃຫ້ສິງກະໂປມີລະບົບການສຶກສາທີ່ມີຄຸນນະພາບ ເປັນອັນດັບຕົ້ນໆຂອງໂລກ
ນະໂຍບາຍການສຶກສາຍັງມີສ່ວນສຳຄັນໃນການສົ່ງເສີມໃຫ້ປະຊາຊົນໃນປະເທດມີຄ່ານິຍົມຮັກການອ່ານໄດ້ຢ່າງມີປະສິດທິຜົນເຊັ່ນ:
ນະໂຍບາຍການສຶກສາ “Teach Less
Learn more” ທີ່ຄູບໍ່ໄດ້ເປັນສູນກາງ ບໍ່ເນັ້ນການບອກເລົ່າຂອງຄູຜູ້ສອນ ແຕ່ເຮັດໜ້າທີ່ໃນການທ້າທາຍຄວາມຄິດຂອງເດັກ
ສ້າງບັນຍາກາດການຮຽນຮູ້, ກະຕຸ້ນໃຫ້ເດັກຮຽນຮູ້ດ້ວຍຕົນເອງຢ່າງສ້າງສັນຜ່ານການຮຽນຮູ້ໂດຍບໍ່ໃຊ້ໂຮງງານເປັນຖານ
(Project Based Learning) ຫຼື ການຮຽນຮູ້ດ້ວຍໃຊ້ບັນຫາເປັນຖານ
(Problem Based Learning) ເຮັດໃຫ້ເດັກຄິດ, ຖາມຄຳຖາມ, ຢາກຮຽນຮູ້, ສົນໃຈຄົ້ນຄວ້າຫາຂໍ້ມູນ, ອ່ານໜັງສືໃນສິ່ງທີ່ຕົນເອງກຳລັງເຮັດ ແລະ ສົນໃຈ ເຊິ່ງມີຜົນເຮັດໃຫ້ເດັກມີທັກສະຄະຕິທີ່ດີຕໍ່ການຮຽນ
ແລະ ອ່ານໜັງສືເພື່ອໃຫ້ໄດ້ປະໂຫຍດບໍ່ແມ່ນເພື່ອການສອບເສັງເທົ່ານັ້ນ ຈາກການທີ່ລະບົບການສຶກສາຂອງສິງກະໂປເນັ້ນໃຫ້ຄູສອນເດັກ ນ້ອຍລົງ ດັ່ງນັ້ນ ສິ່ງກະໂປຈຶ່ງສ້າງ
ແລະ ພັດທະນາແຫຼ່ງການຮຽນຮູ້ໃຫ້ມີຫຼາຍຂຶ້ນເພື່ອຮອງຮັບນະໂຍບາຍທາງການສຶກສາດັ່ງກ່າວເຊັ່ນ:
ຫ້ອງສະໝຸດແຫ່ງຊາດສິງກະໂປ ນອກຈາກຈະມີຄຸນນະພາບ ລະດັບໂລກ ຍັງເປັນເໝືອນແຫຼ່ງຮຽນຮູ້ທີ່ສ້າງບັນຍາກາດການຮຽນຮູ້ໃຫ້ກັບຄົນໃນປະເທດ
ແລະ ສົ່ງເສີມວັດທະນາທຳການອ່ານຂອງປະເທດໄດ້ເປັນຢ່າງດີ
ທີ່ຜ່ານມາລັດຖະບານໄດ້ສົ່ງພະນັກງານໄປຖອດຖອນບົດຮຽນໃນຫຼາຍປະເທດມາແລ້ວ ແຕ່ສິ່ງທີ່ຍັງເໝືອນເດີມນັ້ນຄື
ຫ້ອງສະໝຸດໃນປະເທດຍັງບໍ່ໄດ້ປັບປຸງໃຫ້ມີມາດຖານ ແລະ ພຽງພໍຕໍ່ຈຳນວນປະຊາກອນ
ຫ້ອງສະໝຸດໃນປະເທດລາວຈຶ່ງຈຳເປັນຕ້ອງໄດ້ຮັບການພັດທະນາຢ່າງຈິງຈັງເພື່ອທີ່ຈະສາມາດກະຕຸ້ນພຶດຕິກຳຂອງຄົນລາວໃຫ້ມີຄ່ານິຍົມຮັກການອ່ານ
ດັ່ງນັ້ນ ເມື່ອວັນທີ 4 ເມສາ 2013 ຢູ່
ໂຄງການກໍ່ສ້າງຫໍສະໝຸດແຫ່ງຊາດຫຼັງໃໝ່ຈຶ່ງໄດ້ເລີ່ມລົງມືກໍ່ສ້າງ ຢູ່ທີ່ບ້ານສີວິໄລ
ເມືອງໄຊເຊດຖານະຄອນຫລວງວຽງຈັນ ເປັນອາຄານ 4 ຊັ້ນ,ກວ້າງ 41,6 ແມັດ, ຍາວ 80 ແມັດ, ເນື້ອທີ່ດິນ 11.780
ຕາແມັດ,ຮ່ວມມູນຄ່າການກໍ່ສ້າງ 5 ລ້ານໂດລາສະຫະລັດ
ຊຶ່ງເປັນຄວາມຮັບຜິດຊອບຂອງບໍລິສັດຈິດຈະເລີນກໍ່ສ້າງ, ທ່ານ ສົມຫວັງ ວົງວິໄລ
ຜູ້ອຳນວຍການ ບໍລິສັດຈິດຈະເລີນ
ໃຫ້ຮູ້ວ່າ ໂຄງການນີ້ຈະໃຊ້ເວລາກໍ່ສ້າງປະມານ
24 ເດືອນ.
3, ການມີສ່ວນຮ່ວມຂອງສັງຄົມ ເນື່ອງຈາກລັດຖະບານຂອງສິງກະໂປໄດ້ພະຍາຍາມຊຸກຍູ້ໃຫ້ການອ່ານໜັງສືເປັນວາລະແຫ່ງຊາດ
ແລະ ອົງກອນຕ່າງໆໃນປະເທດສິ່ງກະໂປຈຶ່ງພະຍາຍາມເຂົ້າມາບົດບາດເພື່ອສ້າງວັດທະນາທຳການອ່ານໜັງສືຂອງປະເທດກັບມາມີຊີວິດທີ່ດີຂຶ້ນອີກຄັ້ງ
ກຸ່ມ ຫຼື ຊົມຊົນຫຼາຍແຫ່ງໃນປະເທດສິງກະໂປມີຄວາມພະຍາຍາມສ້າງນິໄສຮັກການອ່ານໃຫ້ແກ່ຄົນໃນປະເທດ
ຕົວຢ່າງຊົມຊົນທີ່ມີບົດບາດໂດດເດັ່ນຄື National University of Singapore
Literary Society (ສັງຄົມການອ່ານອອກຂຽນໄດ້ແຫ່ງມະຫາວິທະຍາໄລແຫ່ງຊາດສິງກະໂປ)
ເຊິ່ງກໍ່ຕັ້ງໃນປີ 1961 ໂດຍມີຈຸດປະສົງໃນການແບ່ງປັນປະສົບການວັດທະນາທຳໃຫ້ແກ່ເຍົາວະຊົນ
ແລະ ນັກຮຽນໃນສິງກະໂປເຊັ່ນ: ການຈັດກິດຈະກຳການແຂ່ງຂັນການຂຽນລັກສະນະສ້າງສັນ (Creative Writing) ເປັນຕົ້ນອີກຕົວຢ່າງໜຶ່ງຄື ກຸ່ມ Book and Beer
ທີ່ຈັດຕັ້ງຂຶ້ນເພື່ອໃຫ້ຄົນສິ່ງກະໂປລວມຕົວກັນເພື່ອແລກປ່ຽນໜັງສືທີ່ອ່ານແລ້ວ
ພ້ອມກັບຮ່ວມດື່ມເຄື່ອງດື່ມຕ່າງໆ ລະຫວ່າງການອ່ານໜັງສືກຸ່ມ Book and Beer ຖືເປັນກຸ່ມທີ່ລວມຕົວຄົນຮັກການອ່ານໜັງສືເຂົ້າມາແບ່ງປະສົບການ
ແລະ ສາລະດີໆ ຈາກໜັງສືທີ່ຕົນເອງອ່ານ
ສຳລັບປະເທດເຮົາສາມາດເອົາແບບຢ່າງຂອງປະເທດສິ່ງກະໂປ ໄປປະຍຸກ
ແລະ ຮັບໃຊ້ໃນການສົ່ງເສີມໃຫ້ຄົນລາວມີຄ່ານິຍົມ ແລະ ວັດທະນາທຳໃນການຮັກການອ່ານໄດ້ທັງນີ້ເມື່ອພິຈາລະນາປັດໄຈທັງ
3 ປະການຂ້າງຕົ້ນມາຫຼາຍຄຳຖາມທີ່ລັດຖະບານ ແລະ ຄົນລາວທຸກຄົນຕ້ອງຊ່ວຍການຕອບເຊັ່ນ:
ປະເທດລາວຈະສາມາດສົ່ງເສີມນິໄສຮັກການອ່ານຢ່າງເປັນລະບົບໃນທຸກໄວໄດ້ແນວໃດ?
ນະໂຍບາຍການສຶກສາແບບໃດທີ່ຈະເໝາະສົມສຳລັບເດັກນ້ອຍລາວ? ເຮົາຄວນປັບປຸງ
ແລະ ເພີ່ມຈຳນວນແຫຼ່ງການຮຽນຮູ້ໃຫ້ປະເທດໄດ້ແນວໃດ? ຫຼື ຈົນກະທັງເຮັດໃຫ້ຊົມຊົນຕ່າງໆໃນປະເທດເປັນຊົມຊົນທີ່ຮັກການອ່ານເໝືອນສິ່ງກະໂປ
“ເນື່ອງຈາກລັດຖະບານຂອງສິງກະໂປໄດ້ພະຍາຍາມຊຸກຍູ້ໃຫ້ການອ່ານໜັງສືເປັນວາລະແຫ່ງຊາດ ແລະ ອົງກອນຕ່າງໆໃນປະເທດສິ່ງກະໂປຈຶ່ງພະຍາຍາມເຂົ້າມາບົດບາດເພື່ອສ້າງວັດທະນາທຳການອ່ານໜັງສືຂອງປະເທດກັບມາມີຊີວິດທີ່ດີຂຶ້ນ”
ไม่มีความคิดเห็น:
แสดงความคิดเห็น